امریکا وايي چې فلسطینیان باید د غزې پرېښودو ته مجبور نه شي او نه باید ورباندې فشار راوړل شي
انتوني بلېنکن وايي چې په غزه کې د ملکي وګړو وژنه او بې ځایه کول یو لوی ناورین دی. امریکا هڅه کوي چې ددې ناورین د کنترول لپاره هڅې وکړي او دا به کېږي.
د امریکا د بهرنیو چارو وزیر انتوني بلېنکن هم چې په دوحه کې دی په دغه برید کې د وژل شوي خبریال حمزه الدحدوح په اړه وپوښتل شو، وویل چې هلته د هر ملکي وژل کېدل ناورین دی:
د ملکي وګړو وژل ناورین دی
“دا له تصور لوړ ناورین دی او لکه څرنګه چې ما وویل همدا هلته د ډېرو زیاتو بې ګنا فلسطيني نارینه، ښځو او ماشومانو حال دی. ملکیان، خبریالان، فلسطينیان او نور. د خبریالانو د خونديتوب کمېټې ویلي چې نږدې اویا خبریالان په غزه کې وژل شوي. ”
د امریکا د بهرنیو چارو وزیر سیمې ته د خپل سفر په اوږدو کې د اسرائيل د ځینو هغو وزیرانو څرګندونې هم غندلې چې له غزې بهر يې د فلسطينیانو د مېشتولو غوښتنه کړې او دا رنګ څرګندونې يې لمسوونکې او غیرمسؤولانه بللې.
نور ولولئ: د حماس-اسراییل جګړه؛ له اوربند وروسته اسراییلو پر غزه بریدونه کړي
نور ولولئ: اسراییلي پوځ په ټوله غزه کې د عملیاتو پلان لري
نور ولولئ: د بشري حقوقو د څار سازمان اسراییلي ځواکونه په غزه کې د زراعت پر ویجاړولو تورن کړي
هغه ویلي، فلسطينیان نباید د غزې د پرېښودو لپاره له فشار سره مخ شي او د حالت له ښه کېدو سره باید خپلو کورونو ته د تګ اجازه ورکړل شي.
ویډیو؛ د امریکا او قطر هېوادونو د بهرنیو چارو وزیرانو ګډ خبري کنفرانس:
له اسراییلي مشرانو سره د بلېنکن لیدنه
بلېنکن زیاته کړې چې هغه به د اونۍ په پای کې له اسرائیلي مشرانو سره په کتنه کې له هغوی دا هم وغواړي چې د ملکي وګړو د تلفاتو مخه ونیسي او هلته د مرستو ورتګ ته اجازه ورکړي. خو امریکا د غزې د جګړې له پیله اسرائيل ته وسلې او مهمات هم ورکړي او ديپلوماتیک ملاتړ يې هم کوي.
د حماس یو جګپوړی مشر صالح العاروري د لبنان سوېل کې له دوو نورو قومندانانو سره د اسرائیلو برید کې وژل شوی
د رپوټونو له مخې د غزې په شمال کې د کډوالو پر یوه کمپ د اسرائيلي هوايي بریدونو له امله لوړ شمېر ملکیان چې ډېری یې ښځې او ماشومان دي وژل شوي. اسرائيل لا په دې اړه څه نه دي ویلي.
د غزې په سوېل کې هم لسګونه فلسطينیان وژل شوي.
حماس او عيني کتونکي وايي چې لوړ شمېر ملکیان د غزې په شمال کې د جبلیه کډوالو کمپ کې پر یوه ودانۍ د اسرائيل د هوايي برید له امله وژل شوي. د پېښې د ځای تصویرونو کې ګڼ جسدونه ښکاري چې په خاورو او ورانیو کې پراته دي چې ډېری یې هم ښځې او ماشومان دي.
د یادونې وړ ده چې اسراییلو په غزه کې د یرغل پر مهال تر ټولو ډېر تلفات ملکي وګړو چې اکثره یې ښځې او ماشومان دي، اړولی او لا هم ددوی وژنه روانه ده.
