د امریکا د حکومت یو رسنيز شوی سند ښيي چې واشنګټن د ملګرو ملتونو پر سرمنشي څارګري کوي او پر دې باور دی چې هغه له روسیې سره ډېر پوست چلند کوي
په دغه سند کې راغلي چې انتونیو ګوتېرېش د مسکو د ګټو خوندي کولو ته چمتووالی ښيي د ملګرو ملتونو چارواکو دا ادعا رد کړې ده.
په یو شمېر دې اسنادو کې د ښاغلي ګوتېرش او د هغه د مرستیال شخصي خبرو یادونه هم شوې. په دې افشا شویو اسنادو کې د اوکراین جګړې او یو شمېر افریقايي مشرانو په هکله د ښاغلي ګوتېرش برالا مشاهدات هم شته. په یوه سند کې تمرکز د تور سمندر غنمو پر هوکړې تمرکز شوی دی چې په نړۍ کې د لوږې خپرېدو له اندېښنو وروسته په جولای میاشت کې د ملګرو ملتونو او ترکیې په منځګړیتوب وشوه.
په دې کې راغلي چې ښاغلی ګوتېرش ځکه دې هوکړې ته ډېر لېوال و چې غوښتل یې د روسیې ګټې خوندي شي. په سند کې راغلي: ”که په دې کې پر روسي ادارو او افرادو د بندیزونو خبره هم وه، خو ښاغلي ګوتېرش د روسیې صادراتو وړتیا زیاتولو لپاره پر خپلو هڅو ټینګار کړی.”
ارزونه دغه راز وايي: ”په فبرورۍ میاشت کې د ده کړنې هغه پراخې هڅې له پامه غورځوي چې مسکو په اوکراین کې د خپلو کړنو له کبله ځواب ورکولو ته راکاږي.”
د ملګرو ملتونو سازمان مسوولین بیا د دې څرګندونو په هلکه سخته غوسه ښيي چې ګواکې د نړۍ دا معتبر دیپلومات د مسکو په هکله پسته رویه لري
یوه لوړ پوړي چارواکي چې وايي، نه غواړي د دې اسنادو په هکله تبصره وکړي وویل: ”ملګري ملتونو د نړۍ پر تر ټولو بیوزله خلکو د جګړې اغېز کمولو نیت اړیستي و. د دې مانا دا ده چې موږ باید هر هغه څه کړي وای چې له مخې یې د خوړو بیې راټیټې شوې وای او دغه راز کیمیاوي سرې هغو ته رسېدلې وای چې خورا سخته اړتیا یې ورته درلوده.”
د یادونې ده، چې روسیې پرلپسې شکایتونه کړي چې د بندیزونو له کبله یې د غنمو او کیمیاوي سرې صادرات خورا سخت اغېزمن شوي او لږ تر لږه دوه ځله یې ګواښ کړی چې که غوښتنې یې و نه منل شي، له بي اېس جي ای سره به همکاري ختمه کړي.
نور ولولئ: ملګري ملتونه د ښځو په کار د نوي بندیز په اړه له طالب مقاماتو سره غږېږي
د روسیې پر غلو، دانو او کیمیاوي سرې صادارتو بندیزونه نه شته، خو د دې هېواد چارواکي وايي، د بارچالانۍ او انشورنس موندلو کې له ستونزو سره مخامخ ده.
