اړوند خبرونه:
مارکو روبیو وايي، امریکا به د جي۲۰ هېوادونو غونډه کې ګډون ونه کړي
د هند لومړی وزیر وايي، جي۲۰ هېوادونو د افریقايي ټولنې دايمي غړیتوب منلی
ایراني رسنیو راپور ورکړی چې هلته ځینو مېشت افغان کډوالو پر ایران د اسراییلو بریدونه غندلي او په دې جګړه کې یې له تهران څخه خپل ملاتړ اعلان کړی دی.
د راپورونو له مخې چې افغان کډوالو له ایران څخه دا ملاتړ په مشهد کې د یوې غونډې پرمهال اعلان کړی، او د اسراییلو د بریدونو د غندنې ترڅنګ یې ویلي چې دوی له ایران سره ولاړ دي.
په راپورونو کې د دې غونډې ګډونوالو له نړیوالې ټولنې څخه غوښتي چې د روانې جګړې د درولو لپاره هڅې وکړي.
بلخوا که څه هم د دې جګړې د درولو لپاره نړیوالې هڅې پیل شوې، خو تهران ویلي، تر څو چې اسراییل بریدونه ونه دروي، د اوربند هر ډول هڅې به بېمانا وي.
د ویلو ده چې تازه د ایران د بهرنیو چارو وزیر، عباس عراقچي ترکیې ته تللی، او ټاکل شوې چې هلته به د اسلامي همکاریو سازمان د بهرنیو چارو وزیرانو په غونډه کې ګډون وکړي.
د ویلو ده چې په دې غونډه کې به د ایران – اسراییلو پر جګړې بحث وشي.
