افغان کډوالافغانستان

د بشري حقونو له ۸۰ ډېرو بنسټونو ایران کې د افغانانو د اعدامونو لړۍ درېدل وغوښتل

اړوند خبرونه:

مارکو روبیو وايي، امریکا به د جي۲۰ هېوادونو غونډه کې ګډون ونه کړي

د هند لومړی وزیر وايي، جي۲۰ هېوادونو د افریقايي ټولنې دايمي غړیتوب منلی

د بشري حقونو تر ۸۰ ډېرو موسسو په یوه لیک کې په ایران کې د افغانانو د اعدامونو د مخنیوي غوښتنه وکړه.

دوی له ټولو بنسټونو، د بشري حقونو فعالانو، سیاسي مبارزانو او عامو خلکو غوښتنه کړې چې «په هر ډول چې ورته ممکنه وي د افغان وګړو د اعدام پر وړاندې د اعتراض ږغ پورته کړي».

د ایران د بشري حقونو سازمان، د نړیوالو بشري حقونو فدراسیون، د بشري حقونو مدافع وکیلانو او لسګونه نورې بشرپالو ډلو په خپل لیک کې د افغان وګړو د اعدام د درولو غوښتنه کړې ده.

په دې لیک کې چې د ۸۴ بشري حقونو بنسټونو له خوا لاسلیک شوی او د چارشنبې په ورځ (۱۴ د غبرګولي) خپور شوی، راغلي چې په ایران کې د افغان وګړو د اعدام پېښې د تېرو کلونو په پرتله ډېرې شوې دي.

په ۲۰۲۴ میلادي کال کې لږ تر لږه ۸۰ افغان نارینه په ایران کې اعدام شوي چې دا شمېر د تېرو کلونو په پرتله درې چنده شوی دی.

د لیک امضاکوونکي وایي چې د اسلامي جمهوري نظام قضایي پروسې، په ځانګړي ډول هغه دوسیې چې د اعدام حکم ته لار هواروي، عادلانه نه اجرا کېږي او اکثراً د شکنجې په زور اعترافونه اخلي.

د ایران د بشري حقونو د سازمان مشر محمود امیري مقدم، په دې اړه ویلي: «هغه افغان وګړي چې په ایران کې اوسي، د ټولنې له تر ټولو کمزورو قشرونو څخه دي او د ایران د اعدام د ماشین لپاره تر ټولو ارزانه قربانیان دي. د اعدام د دغه ماشین موخه په ټولنه کې وېره خپرول او د نظام ساتل دي».

هغه زیاته کړه: «حکومت د افغان ضد تبلیغاتو له لارې د نورو اعدامونو لپاره زمینه برابروي. د ایران خلک، مدني بنسټونه او نړیواله ټولنه باید په قوي غبرګون سره، د افغان وګړو د اعدام سیاسي لګښت لوړ کړي او د دغو اعدامونو د بندولو لپاره هڅه وکړي».

ډېری افغان وګړي چې په ایران کې اعدام شوي، د مخدره موادو د قاچاق یا قتلونو په تور نیول شوي ول.

هغوی له نړیوالې ټولنې هم غوښتي چې په مناسب غبرګون سره د دې بهیر د دوام مخه ونیسي.

د بخښنې نړیوال سازمان په راپور کې ویل شوي چې په ایران کې له چین وروسته په نړۍ کې تر ټولو ډېر اعدامونه کېږي.

افغان سالار

افغان سالار افغان سالار د لومړي لاس او کره معلومات تر تاسو درسوي. افغان سالار به تاسو ته د سیاست، ادب او کلتور، اقتصاد، روغتیا، سپورټ او نور په زړه پورې مطالب برابر او تر نورو به یې چټک درته وړاندې کوي.

اړوند خبرونه

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button