اړوند مطالب:
ټي ټي پي: د پاکستاني پوځ عملیاتو کې لوړپوړی چارواکی مولانا طحه شهید شوی
د پښتو له قامي جرګې د خلکو د پام اړولو لپاره د پاکستاني پوځ هلې ځلې
د بلوچستان د ازادۍ پوځ تېره شپه په یوه خبرپاڼه کې اعلان وکړ چې د «اشغالګر پاکستاني پوځ» پر ضد د بلوچستان د آزادۍ جنګيالیو په نوشکي کې د برید په ترڅ کې لږ تر لږه اووه دښمن پوځيان له منځه وړي دي.»
دې بېلتون غوښتونکې ډلې په عین حال کې ویلي چې د دوی څلور جنګيالي هم وژل شوي دي.
دې ډلې همداراز، څلور ورځې وړاندې د سوراب په عملیاتو کې د خپل یوه ټپي شوي جنګیالي ساه ورکولو خبر ورکړی دی.
د بلوچستان د ازادۍ پوځ وايي، د پاکستان د پوځ له لوري، چې دا ډله یې اشغالګر ځواک بولي، د جولای په ۱۹مه نېټه د نوشکي د غرنۍ سیمې په اوږدو کې ستر نظامي عملیات پیل شول، چې پکې د دښمن ملاتړ څرخکو او بېپیلوټه الوتکو کاوه. د دښمن د پرمختګونو د مخنیوي لپاره، جنګيالو پیاوړې مقاوت وکړ او په بېلابېلو ځایونو کې یې بریدونه وکړل.
«په دې عملیاتو کې چې درې ورځې یې دوام وکړ، د شېشاري په سیمه کې د جنګيالو او دښمن پوځ تر منځ نژدې جګړه پیل شوه چې دوې ورځې یې دوام وکړ. دښمن کمانډو ځواکونو ته د هوایي بریدونو له لارې ملاتړ ورکړل شو. د مقاومت په لړ کې اووه دښمن کمانډو ځواکونه ووژل شول او ګڼ نور ټپیان شول. په دې سختو نښتو کې څلور جنګيالي — قوماندان سوفیان کرد، فدایي رشید بوزدار، سنگت نبیل بدیني، او سنگت خالد فاروقي محمد حسني — په زړورتیا سره وجنګېدل او شهیدان شول.»
