د بې پولې خبریالانو سازمان: “د طالبانو د اسختباراتو له لوري د خبریالانو نیول غندو”
![journalist](https://afghannow.net/wp-content/uploads/2024/01/Journalist-780x470.jpg)
د بې پولې خبریالانو سازمان د طالبانو د استخبارتو له لوري د خبریالانو نیول او شکنجه کول غندلي دي
د بې پولې خبریالانو سازمان په وروستیو ورځو کې د طالبانو د استخباراتو له خوا د ځینو خبریالانو نیول غندلي دي.
د بې پولې خبریالانو سازمان وايي طالبان باید د افغان خبریالانو د کار خنډ ونه ګرځي.
دغه سازمان په یوه اعلامیه کې ویلي چې د طالبانو استخباراتو تېر څو ورځو کې لږ تر لږه درې افغان خبریالان نیولي چې له ډلې یې دوه تنه تر دوو ورځو بند وروسته خوشې شوي.
ځینې خبریالان له هم د طالبانو په بند کې دي
د دغه سازمان د اعلامیې له مخې د کیوډو نیوز جاپاني اژانس افغان خبریال احسان اکبري چې د جنوري په اولسمه په کابل کې نیول شوی لا هم د طالبانو په بند کې دی.
![topshot afghanistan conflict women protest](https://afghannow.net/wp-content/uploads/2024/01/gettyimages-1235594245-06a64851bf86595e80d1db8e150b2f0d7bca08c6-s1100-c50-300x225.jpg)
احسان اکبري لومړی د طالبانو استخباراتو ورغوښتی و او په سبا یې طالبان د هغه کور ته ورغلي او له هغه یې د کار وسایل هم نیولي او په خپله یې له ځانه سره وړی دی.
نور ولولئ: طالبان افغانستان کې ښځې له کار او زده کړو منع کوي، خو بهر کې له نیم لوڅو سره انځورونه اخلي
نور ولولئ: افغان ښځې له طالبانو د دوی پر زدهکړو او کار د محدودیتونو ختمول غواړي
نور ولولئ: د افغانستان ښځینه خبریالانو بنسټ: په ۲۰۰ کې ۴۵ سلنه خبریالانې وزګارې دي
په دې اعلامیه کې د بې پولې خبریالانو سازمان د جنوبي اسیا څانګې په حواله راغلي چې: “د طالبانو د استخباراتو له خوا د خبریالانو بیا بیا نیول د خپلواکو خبریالانو د ویرولو او د رسنیو د هرې بڼې د ازادۍ ځپل دي.”
ددغه سازمان غوښتنه
د بې پولې خبریالانو سازمان له طالبانو غوښتي چې ژر تر ژره احسان اکبري له بنده خوشې او د نورو خبریالانو تنبیهي بندیانول ودروي.
![gehcshpx0aeiqvo](https://afghannow.net/wp-content/uploads/2024/01/GEhcsHpX0AEiqVo-300x200.jpg)
د خبریالانو د خوندیتوب کمېټې يا ‘سي پي جی’ هم د احسان اکبري په خوشې کېدو ټینګار کړی دی.
دې کمېټې په یوه بیان کې ویلي چې د طالبانو د حکومت ویاند ذبیح الله مجاهد د اکبري نیول او د هغه د کاري وسایلو ضبطول تایید کړي، خو مجاهد دې کمېټې ته ویلي چې د کیوډو نیوز خبریال یې ځکه نیولی چې هغه ګواکې د طالبانو د حکومت له مخالفو کړیو سره تماس درلود او هغوی ته یې معلومات ورکول.
د خبریالانو د خوندیتوب کمېټې ویلي، د طالبانو چارواکي باید اکبري بې قیدو شرطه سمدستي خوشې کړي او د مطبوعاتو د کارکوونکو د کار په خاطر دې د هغوی له نیولو ډډه وکړي.
تر اکبري وروسته د ګردش اطلاعات په نوم د یوه خبري اژانس څښتن احمد جواد رسولي او اېډېټر عبدالحق حمیدي هم د طالبانو استخباراتو د دو ورځو لپاره بندیان کړي وو.
د طالبانو ځواکونو بیا په خوست کې هم تېره اوونۍ د ‘نن ايف ايم’ راډیو ودانۍ ایسار کړې وه او ددې راډیو لږ تر لږه درې کارکوونکي او خبریالان یې بندیان کړي.