اړوند خبرونه:
د تورخم دروازې د پرانیستې په تړاو د طالبانو او پاکستان ناسته بې پایلې وه
پاکستاني ریاست د تورخم دروازه لا هم تړلي ده
ځینې سیاسي کارپوهان باور لري چې د لویو لارو، په ځانګړي ډول د تورخم د لارې د ستونزو د حل لپاره باید د نړیوالو قوانینو پر بنسټ یوه کمیټه جوړه شي.
د افغانستان او پاکستان د سوداګرۍ خونو د تورخم د لارې د بیا پرانیستلو لپاره خبرې کړي دي. د تورخم په دواړو خواوو کې له ۴۰۰۰ څخه زیات بار وړونکي لارۍ بند پاتې دي.
د تورخم د لارې تړل د فبرورۍ له ۲۱مې نېټې راهیسې دوام لري او زرګونه لارۍ په دواړو خواوو کې بند پاتې دي. د دې موټرو په منځ کې، نږدې ۵۰ موټرونه د نړیوال خوراکي پروګرام اړوند خوراکي توکو دي.
د پاکستان د بهرنیو چارو وزارت خبرداری ورکړی چې تر هغه وخته پورې به دا لار نه پرانیستل کېږي، ترڅو چې طالبانو د تورخم په لاره کې د تاسیساتو جوړول درولي نه وي. وزارت ټینګار کړی چې د طالبانو د هڅو له امله چې غواړي د پاکستان په خاوره کې پوستې جوړې کړي، د تورخم لار یې تړلي ده.
