د خوړو نړیوال پروګرام د افغانستان لرې پرتې سیمو ته د هوایي مرستو د احتمالي بندیدو خبر ورکړی

د خوړو نړیوال پروګرام (WFP) خبر ورکړی چې د افغانستان لرې پرتو سیمو ته د خپلو الوتنو له لارې د مرستو رسولو امکان کم شوی دی.

دې ادارې د اپریل ۲۷مه پر ایکس شبکه لیکلي چې دوی د خپلو الوتکو د کارولو لپاره کافي بودجه نه لري، او د ۲۰۲۵ کال لپاره د دې بشري الوتنو د دوام لپاره شاوخوا ۱۰ میلیونه ډالرو عاجلې بودجې ته اړتیا لري.

تیره اونۍ د د خوړو نړیوال پروګرام اعلان وکړ چې د هغو افغان کډوالو د ملاتړ لپاره چې بیرته خپل هیواد ته ستنیږي، تر ۲۰۲۵ کال پورې د ۲۵ میلیونه ډالرو عاجلو مرستو ته اړتیا ده.

دا اداره د امریکا له لوري د بشري مرستو د تعلیق وروسته د بودجې له کمښت څخه شکایت کوي.

د امریکا د بهرنیو چارو وزارت ویلي چې یو شمېر د بیړنیو خوراکي مرستو پروګرامونه یې د دې لپاره ځنډولي چې دا مرستې د طالبانو په ګټه کارول کیږي.

د دې وزارت ویاندې، تمی بروس، د اپریل ۸مه په یوه مطبوعاتي غونډه کې وویل: “د د خوړو نړیوال پروګرام خپلې مالي مرستې د یمن او افغانستان لپاره د اندېښنو له امله بندې کړې، ځکه چې شک شته چې دا پیسې د حوثي یاغیانو او طالبانو په ګټه کارول کیږي.”