ډبلیو ایف پي وايي، افغانستان کې د ژمي په رارسېدو خلک د لوږې له ناورین سره مخامخ دي
اړوند مطالب:
ډبلیو ایف پي: یو میلیون افغانانو ته د مرستو رسولو لپاره ۱۶ میلیونه ډالرو ته اړتیا ده
د خوړو نړیوال پروګرام افغانستان کې د ژمي په رارسېدو د لوږې د کچې پر لوړوالي اندېښنه څرګنده کړې
د خوړو نړیوال پروګرام (WFP) وايي چې په افغانستان کې میلیونونه کسان بېړنیو مرستو ته اړتیا لري.
په افغانستان کې د خوړو نړیوال پروګرام دا څرګندونې سهشنبه د مرغومې پر ۱۸مه د اېکسپاڼې له لارې په یو خپاره کړي بیان کې کړي دي.
نوموړي سازمان لیکلي چې د دې کورنیو ډېری اړ دي څو د خوړو او خپلو ماشومانو د ګرم ساتلو ترمنځ یو انتخاب کړي.
دغه سازمان په افغانستان کې د اقتصادي ناورین په اړه اندېښنه ښودلې او له افغانانو سره یې د بېړنیو مرستو غوښتنه کړې ده.
له دې مخکې یاد سازمان ویلي و چې په راتلونکو شپږو مياشتو کې له اړمنو کسانو سره د مرستې لپاره ۷۱۸ ميليونه ډالرو ته اړتيا لري.
د خوړو نړیوال پروګرام زیاته کړې وه چې په افغانستان کې ۱۵ میلیونه خلک نه پوهېږي څو د بل وخت خواړه به له کوم ځایه ترلاسه کوي.
د نوموړي سازمان د معلوماتو پر بنسټ، له دې کسانو څخه یو میلیون یې د بدخشان، غور، بامیان او دایکندي په ګډون په سختو سیمو کې ژوند کوي.
دا په داسې حال کې ده چې د یو شمېر طالب چارواکو پانګه میلیونونو ډالرو ته رسېږي.
که څه هم دا ډله په افغانستان کې د بېوزلۍ او اقتصادي ستونزو د مدیریت وس نه لري، خو په خپلو محدودونکو اقداماتو سره غواړي چې د یو شمېر بهرنیو مرستندویه بنسټونو فعالیتونه محدود او یا ودروي.
