د دوبۍ نوی طلايي ښار د نړۍ لومړنی واټ جوړوي چې د سرو زرو په “تِم” ډیزاین شوی دی. په دې مقاله کې د دوبۍ د نوي طلايي واټ، برج خلیفه، پام جمیرا او نورو نړیوالو ریکارډونو په اړه په زړه پورې معلومات ولولئ.
دوبۍ یو ځل بیا نړۍ هک پک کړه. دا ځل دوبۍ پرېکړه کړې چې د نړۍ لومړنی داسې سړک جوړ کړي چې د سرو زرو په موضوع (تِم) ډیزاین شوی وي. دا ځانګړې پروژه چې د دوبۍ نوی طلايي ښار په زړه کې موقعیت لري، د ښار په مشهوره “طلايي مېنه” یا (ګولډ ډسټرېکټ) کې عملي کېږي. د دې پروژې اصلي هدف د سرو زرو سوداګرۍ، کلتوري هویت او سیاحتي جذابیت ته یوه نوې بڼه ورکول دي.
ګلف نیوز ورځپاڼې د چارواکو په قول ویلي، چې د دې واټ په ډیزاین کې به له سرو زرو څخه الهام اخیستل شوې معمارۍ، هنري عناصر او خورا عصري ښاري اسانتیاوې شاملې وي.
د دوبۍ نوی طلايي ښار، د طلايي واټ ځانګړتیاوې
د دې پروژې له مخې به د پليو تګ لپاره ځانګړې څنګلارې، ښکلي او روښانه څراغونه او داسې پرمختللی انفراسټرکچر جوړ شي چې نړیوال معیارونه ولري. کارپوهان په دې باور دي چې دا ډول پروژې به د دوبۍ اقتصاد او ګرځندوی نور هم پیاوړی کړي. دا واټ به د دوبۍ د نوښتګر فکر او لوکس ژوند د طرز یوه لویه نښه وي.
د دوبۍ نوی طلايي ښار، دوبۍ؛ د نړۍ د لومړنیو او لويو ریکارډونو مرکز
د دوبۍ نوی طلايي ښار یوازې د سرو زرو په واټ پورې محدود نه دی، بلکې دوبۍ تل هڅه کړې چې په «لومړي»، «تر ټولو لوی»، او «تر ټولو لوړ» نومونو کې خپل ځای خوندي کړي. دلته د دوبۍ ځینې نورې لويې لاسته راوړنې دي:
۱. ودانۍ او ښاري پروژې
برج خلیفه: د نړۍ تر ټولو لوړه ودانۍ (۸۲۸ متره).
دوبۍ مال: د مساحت له مخې د نړۍ تر ټولو لوی سوداګریز مرکز.
برج العرب: د نړۍ لومړنی «۷ ستوریز» هوټل.
کاین ټاور: د نړۍ تر ټولو تاوېدونکې لوړه ودانۍ.
۲. مصنوعي ټاپوګان او سمندري پروژې
پام جمیرا (Palm Jumeirah): د نړۍ تر ټولو لوی مصنوعي ټاپو.
د نړۍ ټاپوګان (The World Islands): د ځمکې د نقشې په بڼه جوړه شوې بېسارې پروژه.
۳. ټکنالوژي او نوښت
د راتلونکې موزیم: لومړنی موزیم چې پر راتلونکو ټکنالوژیو تمرکز کوي.
دوبۍ مېټرو: د نړۍ تر ټولو اوږد بېچلوونکي (Automated) مېټرو سیستم.
بې کاغذه حکومت: دوبۍ په نړۍ کې له لومړنیو ښارونو دی چې دولتي چارې یې په بشپړ ډول ډیجیټل کړې دي.
پولیس روباټ: د نړۍ لومړنی ښار چې روباټ پولیس یې معرفي کړل.
۴. تفریح او کلتور
سکي دوبۍ: په صحرا کې د نړۍ لومړنی لوی سرپوښلی د واورې پارک.
دوبۍ فریم: د نړۍ تر ټولو لوی د عکس چوکاټ (Frame).
د چارواکو په وینا، کله چې د دې پروژې کار بشپړ شي، د دوبۍ نوی طلايي ښار به د نړیوالو سیلانیانو او سوداګرو لپاره یوه بېسارې تجربه وړاندې کړي. دوبۍ په دې ثابته کړې چې دوی یوازې ودانۍ نه جوړوي، بلکې داسې مفکورې پلي کوي چې نړۍ ورته ګوته په غاښ پاتې کېږي. هدف روښانه دی: په هر څه کې “لومړی او بېساری” اوسېدل.
