طالبانو په دې غونډه کې د ګډون په اړه پرېکړه نه ده کړي
ټاکل شوې چې د روان میلادي کال په جون میاشت کې د افغانستان په تړاو د ملګرو ملتونو په استازیتوب د دوحې درېیمه غونډه وشي او په یاده ناسته کې به تر ډېره د افغانستان پر سیاسي، بشري، اقتصادي او ورته نورو مسایلو خبرې وشي.
طالبانو تر اوسه په یاده غونډه کې د خپل ګډون په تړاو څه نه دي ویلي، خو د یوناما په شتون کې یې په افغانستان کې د ملګرو ملتونو د بل استازي له ټاکلو سره مخالفت ښودلی دی.
ویل کېږي چې کېدای شي یو ځل بیا په یاده غونډه کې د افغانستان لپاره د ملګرو ملتونو د بل استازي پر ټاکلو بحثونه وشي، خو طالبان بیا د نړیوالو له دې غوښتنې سره مخالف دی.
د جاپان سفیر او مولوي کبیر تر منځ کتنه
د جاپان هېواد سفیر تاکایوشي کورمایا پرون ناوخته د ریاست الوزرا له سیاسي مرستیال مولوي عبدالکبیر سره په لیدنه کې د دوحې غونډې ته په شاري سره ویلي چې نړیواله ټولنه غواړي شته ستونزې د خبرو له لارې حل شي.
له چین د مولوي کبیر غوښتنه: د شنګهای راتلونکې غونډه کې د ګډون بلنه راکړئ
سیاسي شنونکي هم دې غونډې ته هیلهمندي څرګندوي.
نور ولولئ: طالبان د دوحې ناستې له اجنډا خبر نه لري
نور ولولئ: د دوحې غونډه؛ د افغان ښځو او نجونو پر وضعیت بحثونه روان دي
د سیاسي چارو شنونکي دغه ډول غونډې که له یوې خوا افغانستان ته د نړۍ د پام اړولو په برخه کې مهمې بولي، خو له بلې خوا بیا وایي چې ډېری دغه ډول غونډو تراوسه کومه مثبته پایله نه ده ورکړې.
یاده غونډه د شته ستونزو لپاره فرصت
د پوهنتون استاد او د سیاسي چارو شنونکی جاوېد مومند وایي، د دوحې درېیمه ناسته د افغانستان لپاره مهمه ده او سرپرست حکومت باید یاده غونډه د شته ستونزو د حل لپاره یو فرصت وبولي.
«بدبختانه ددغو غونډو ملموسه نتیجه چې مثبته وي او د افغانستان په ګټه وي مونږ ندي لیدلي، ځکه چې هره غونډه چې نیول کېږي په هغه کې هېوادونه خپل موخې لري هغه ترسره کېږي د هغو د ګټو په اساس پرېکړې کېږي.»
د سیاسي چارو بل شنونکی سید اکبر اغار وایي چې اسلامي امارت باید له دې غونډې څخه ښه ګټه واخلي، خپلې ستونزې شریکې او له نړیوالو څخه د همکاریو غوښتنه وکړي.
«په دې غونډه کې د اسلامي امارت ګډون ډېر مهم دی او اسلامي امارت هم دې غونډې ته له خپلو برنامو سره یوځای ورځي. اسلامي امارت د خپلو راتلونکو برنامو راپور وړاندې کړي.»
یاده دې وي چې د جاپان هېواد سفیر تر دې وړاندې د بهرنیو چارو له سرپرست وزیر امیرخان متقي سره هم په لیدنه کې د افغانستان په تړاو د دوحې پر غونډه او نورو مسایلو بحثونه کړي دي.
