اړوند خبرونه:
د تورخم دروازې د پرانیستې په تړاو د طالبانو او پاکستان ناسته بې پایلې وه
پاکستاني ریاست د تورخم دروازه لا هم تړلي ده
د افغانستان د رنګ تولیدوونکو اتحادیې اعلان کړی چې دا هېواد د رنګ تولید کې نږدې ځان بسیاینې ته رسېدلی دی.
د دې اتحادیې په وینا افغانستان په بېلابېلو ولایتونو کې لسګونه فابریکې لري او نږدې په رنګ تولید کې ځان بسیاینې ته رسېدلی دی.
اتحادیې ویلي چې اوس مهال په هېواد کې ۹۰ فابریکې د ساختماني، سړکونو، صنعتي، موټرو، ترافیکي او اپوکسي رنګونو د تولید فعالیت کوي.
په ورته وخت کې، د طالبانو تر کنټرول لاندې ملي تلویزیون د طالبانو د صنعت او سوداګرۍ وزارت له قوله راپور ورکړی چې په تېرو ۱۱ میاشتو کې د درې میلیونه ډالرو په ارزښت رنګ ازبکستان، تاجکستان او پاکستان ته صادر شوی دی.
د رنګ تولیدوونکو شرکتونو اتحادیې له طالبانو غوښتنه کړې چې د وارداتي رنګونو تعرفو کې زیاتوالی راولي.
په ورته وخت کې، د هېواد صنعتي شرکتونه وايي چې له ډېرو ستونزو سره مخ دي. د دې شرکتونو مالکانو د برېښنا کمښت، د تولید لوړ لګښتونه او لوړ مالیات د لویو ننګونو په توګه یاد کړي دي.
