د ډربن ټیسټ لوبې په لومړۍ پاڼۍ کې د سویلي افریقا ټوله لوبډله د میلمه بنګله دېش لوبډلې پر وړاندې په ۳۶۷ منډو اوټ شوه.
د دوه ټېسټ لوبو د دغه لوبلړۍ په لومړۍ لوبه کې بنګله دېش ټاس وګټلو او سویلي افریقا ته یې د توپ وهنې بلنه ورکړه. سویلي افریقا ټوله لوبډله د تمبا بوما (۹۳) او لوبډلمشر ډین ایلګر (۶۷) نیمه سلیزو په مرسته په ۳۶۷ منډو وسوځېده.
همدا راز د سرليف ايروي ۴۱، سايمن هارمر ۳۸، کایل وارن (۲۸)، ریان ریکلټن (۲۱)، کیګن پیټرسن او کیشو مهاراج (۱۹-۱۹)، لیزاد ویلیمز او ډیون اولیور (۱۲-۱۲) او وین میلر صفر منډې وکړې.
نور یی ولوله | طالبانو یو امریکایي تبع او د هغه ورور د بند څخه خوشې کړل
د بنګله دېش لپاره خالد احمد غوره توپ اچونه وکړه، هغه ۴ لوبغاړي وسوځول، همدا راز مهدي حسن ۳ او عبادت حسین ۲ وېکټې واخیستې.
د ویلو ده له دې وړاندې بنګله دېش د درې یو ورځنیو لوبو لړۍ کې سویلي افریقا ته ۱-۲ ماتې ورکولو سره تاریخ جوړ کړی و.
