د متحده عربي اماراتو بهرنۍ مرستې له ۱۹۷۱ راهیسې بیا تر نن پورې ۳۶۰ میلیارد درهمو ته ورسېده

له ۱۹۷۱ کال کې د متحده عربي اماراتو تر جوړیدو وروسته، تر ۲۰۲۴ کال نیمایي پورې، د اماراتو بهرنۍ مرستې ۳۶۰ میلیارد درهم (۹۸ میلیارد ډالر) ته رسیدلې، چې په فقر کمولو، د ناورینونو او بحرانونو اغیزې کمولو، اقتصادي او ټولنیز پرمختګ ملاتړ، او نړیوال ثبات او سولې ترویج کې یې مهمه ونډه لرلې.

مرستې او بشري پیوستون ارزښتونه د متحده عربي اماراتو د لارو چارو یوه نښه او یوه تل پاتې ځانګړنه ګرځیدلې، چې د دسمبر په دویمه یې د اتحاد اختر ۵۳مه کلیزه ولمانځله.

متحده عربي امارات د نړیوالو بشري مرستو په برخه کې خپل مخکښ رول ته دوام ورکړ، او په هر ډول کې د نړیوال پیوستون او همکارۍ روحیه وړاندې کولو ته خپله ژمنتیا بیا تایید کړه.

له نورو هېوادونو سره د متحده عربي اماراتو بشري مرستې

د بې وزلۍ د راټیټولو، پیوستون او رضاکارۍ د اصلي ارزښتونو له مخې، متحده عربي اماراتو د نړۍ په کچه هیوادونو او ټولنو ته د پام وړ بشري، بیارغنیزې او نورې مرستې وړاندې کړي، چې موخه یې د بې وزلۍ کمول، د ناورینونو اغیزو کمول، اقتصادي او ټولنیز پرمختګ ته وده ورکول او د سولې او امنیت ټینګول یې موخې وې او دي.

متحده عربي اماراتو په وروستیو کلونو کې د زیاتو بشري مرستو لپاره کمپاینونه پیل کړي دي. په ۲۰۱۵ کال کې یې “یمن ته پاملرنه” کمپاین پیل کړ. په ۲۰۱۷ کال کې یې له سومالیا سره مرستې وکړې. په ۲۰۱۹ کال کې یې بیا د روهنګیايي ښځو ملاتړ ته راودانګل، په ۲۰۲۲ کې یې په منځني ختیځ او افریقا کې مرستې وکړې او په ۲۰۲۳ کال کې یې بیا د ترکیې او سوریې زلزله ځپلو ته بشري مرستې ورسولې.

متحده عربي اماراتو د طبیعي پېښو، جګړې او نورو ناورینونو پر مهال له سوریې، ترکیې، افغانستان، پاکستان، هند، سومالیا، یمن کینیا، اردن، غزه او نورو هېوادونو سره په سختو حالاتو کې مرستې کړي دي.

د روغتونونو او کلینیکونو جوړول

د متحده عربي اماراتو ولسمشر جلالتمآب شیخ محمد بن زاید آل نهیان د هیواد په روغتونونو کې د غزې له قطاع څخه د ۱۰۰۰ زخمي ماشومانو او ۱۰۰۰ سرطان لرونکو ناروغانو د درملنې دستور ورکړی وو.

د دفاع وزارت د ګډو عملیاتو ادارې د “نیکۍ مرغان” عملیات پیل کړل، ترڅو په غزې کې په لاسرسی لرونکو سیمو کې بشري او مرستندویه مرستې هوايي په ځای کړي.

متحده عربي اماراتو په افغانستان کې له هغو خلکو سره د ۳۳ ټنو خوراکي او غیر خوراکي توکو مرسته وکړه چې د افغانستان په جنوب هرات ولایت کې څو ورځې وړاندې زلزلې وځپل او د سر او مال دروند زیان یې ورته واړوه. په یاده زلزله په زرګونو کسان اغېزمن شوي چې بېړنیو مرستو ته اړتیا لري.

نور ولولئ: UNHRC د بشري حقونو په برخه کې د متحده عربي اماراتو موقف وستایه

نور ولولئ: د متحده عربي اماراتو خواخوږي؛ له زلزله ځپلو سره یې بېړنۍ مرسته وکړه

نور ولولئ:  متحده عربي اماراتو کې له افغان مشرانو او سوداګرو سره د ټوماس وېسټ لیده کاته

اماراتو د ۱۰۰۰ مربع متره ساحوي روغتون سره درې الوتکې، چې ۷۵ بسترونه او دوه عملیاتي خونې یې درلودې چې د وروستیو طبي تجهیزاتو او وسیلو سره سمبال وې، افغانستان ته د زلزلې قربانیانو ته د مرستې لپاره ولیږلې.

له افغانانو سره شوي مرسته شیخ زاید بن سلطان النهیان د خیریه بنسټ او نورو بنسټونو څخه راټوله شوي او بیا زلزله ځپلو ته لېږل شوي ده.

له افغانستان سره د متحده عربي اماراتو پرمختیايي او اقتصادي مرستې

ډېر افغانان دي چې د کار لپاره دوبۍ ته تللي دي او هلته مزدري کوي چې یوازې د خوست ولایت نه د ۱۷۰۰۰۰ کسانو په شاوخوا کې دي.

دغه افغانان وايي، په عربي متحده اماراتو کې د ژوند لپاره سهولتونه زیات دي، لکه د اولادونو د زده کړو لپاره ښوونځي او پوهنتونونه، د کاروبار زمینه، سیاحت، د پانګې جمع کول او د موټرو کاروبارونه ښه په درز کې روان دي.

ډېری داسې افغانان هم شته چې دغه هېواد ددوی په مټو اباد شوی دی. مثلا: دوی په ځوانۍ کې دغه هېواد ته تللي دي، خو اوس بوډاګان دي او هلته یې تر ۴۰ کلونو زیات عمر تېر کړی دی.

د طالبانو له رژیم سره د متحده عربي اماراتو اړیکې

د متحده عربي اماراتو د دولت رئیس شیخ محمد بن زاید النهیان د نورو سفیرانو تر څنګ د طالبانو د سفیر باورلیک هم ومانه

د متحده عربي اماراتو دولت په افغانستان کې د هر نظام په راتګ سره خپلې ډیپلوماټیکې اړیکې او همکارۍ ښې ساتلي دي، خو دا ځل یې د طالبانو د رژیم په رسمیت پېژندلو اعلان نه دی کړی.

د متحده عربي امارات ددولت رییس د چار شنبې په ورځ د طالبانو د سفیر په ګډون د یو شمېر نویو سفیرانو باورلیکونه ومنل.

د شیخ محمد بن زاید ال نهیان په ماڼۍ کې د سفيرانو اخستل شوي ګډ عکس کې د طالبانو سفیر «مولوي بدرالدین حقاني» له بیرغ پرته او له یوې ښځې سره اوږه په اوږه لیدل کیږي.

د متحده عربي اماراتو رسنیو خبر ورکړی چې د طالبانو د رژیم رئیس الوزراء ملا محمد حسن اخوند د متحده عربي اماراتو په یوه روغتون کې د هغه ناروغۍ له امله درملنه شوی چې دا څه موده نوموړی ورڅخه کړېده.

ملا محمد حسن اخوند دا څه موده ناروغ و چې په هېواد کې یې درملنه ونه شوه او له همدې امله نوموړی عربي متحده اماراتو ته لاړ او هلته یې د خپلې درملنه وکړه.

د عربي متحده اماراتو چارواکو طبي پرسونل ته امر کړی و چې د ښاغلي درملنه په سم ډول وکړي او د ملا حسن اخوند روغتیا ته پام وکړي.