پوځ د دوی په دوو کليو کې عمليات پيلوي او ورته ويل شوي چې له هغو ځایونو کډې بار کړي
مکیین د بر جنوبي وزیرستان هغه سیمه ده چې د دیسمبر پر ۲۱مه پکې په یو وسلوال برید کې د پاکستان ۱۶ امنیتي سرتیري وژل شوي او ۸ نور زخمیان شوي وو. د هغه برید مسوولیت تخریک طالبان پاکستان قبول کړی وو.
د مکين د جرګې مشر ملک سعيد انور
د دیسمبر پر ۲۴مه وويل، پوځ د دشکې او اباخېل کليو اوسېدونکو ته د دیسمبر د ۲۵مې نېټې تر دوو بجو پورې وخت ورکړی دی چې کورونه خالي کړي. نوموړي وویل، جرګې يې په دغه اړه له امنيتي او هم انتظامي چارواکو سره د خبرو هڅه وکړه، خو و نه توانېده. ده البته زياته کړه چې د بر جنوبي وزيرستان د پوليسو مشر ورسره په پرونۍ ليدنه کې د عملياتو د پيل خبره تاييد کړې ده.
نور ولولئ: شمالي وزیرستان کې پر پاکستاني پوځیانو برید؛ ۶ هلاک شوي او ۲۴ ژوبل دي
نور ولولئ: د پاکستان پنجاب کې راکټي برید؛ ۱۱ پولیس پکې وژل شوي
هغه زیاته کړه:”موږ پوځ ته او حکومت ته وایو چې عملیات خو تر دې وړاندې هم وشول خو څه نتیجه یې ورنه کړه. نو موږ د کلیو پرېښودلو ته تیار نه یو. که په زوره مو وباسئ نو دا بیا بله خبره ده. موږ مجبور یو ځکه چې نه د حکومت سره مو زور رسېږي او نه هم د طالب سره، ولس مجبوره دی.”
د رازین سیمې خلک وايي چې وسلوالو طالبانو یې
د فبرورۍ پر پینځمه په لرګیو بار څلور ګاډي سوځولي ول ــ انځور له ارشيفه
په مکين کې د پښتون ژغورنې غورځنګ يو مخکښ رحمت شاه بيا وايي چې د سيمې خلکو ۱۰ کاله پخوا هم د وسلوالو د ځپلو په موخه قربانۍ ورکړې وې، خو سيمه يې ارامه نه شوه. هغه وايي: “پوځ دشکه او اباخېل کلي خالي کوي خو د دواړو کلو سره څلور پنځه کلي نور هم تړلي دي نو دا ټول کلي به ورسره په عذابېږي. موږ به ورته دا کلي په خوشالۍ خالي کړو خو څه ذمه واري شته چې مسله به حل شي؟ څوک به لیکلي راکړي چې له دې سره به امن راشي. موږ دا لس کلونه کېږي چې کورونه، سکولونه او جوماتونه مو ړنګ دي، دلته له ولس سره دوه مخې پالیسي روانه ده، عوام یقینا چې مجبور دي.”
