ناسا ۵ میاشتې مخکې ویجرا بېړۍ فضا ته استولي وه، خو تر اوسه ورسره اړیکه نه وه ټینګه شوي

د ناسا ویجرا (Voyager 1)) ستوربیړۍ چې له ۵ میاشتو راهیسي د تخنیکي ستونزو له کبله کار پرېښي و، اوس بیرته فعاله شوې او د شنبې له ورځې (اپریل ۲۰) څخه یې نورمال فعالیت پیل کړی دي.

د دې ستوربیړۍ د یوه کمپیوټر په چیپونو کې ستونزه پېښه شوې وه.

ځمکې ته د معلوماتو د استولو هیلې

اوس د ناسا انجینیران هڅه کوي چې دا ستوربیړۍ داسي حالت ته راولي چې مځکې ته معلومات راواستولی شي.

دا ستوربیړۍ او د هغې غبرګونې، چې ویجر۲ (Voyager 1)) نومېږي، له شمسي نطامه دباندې د ستورو ترمنځ څېړنې کوي.

ویجر ۱ په ۱۹۷۷ م کال استول شوې وه او له توغول کېدو ۳۵ کاله وروسته لومړنۍ ستوربیړۍ شوه چې له شمسي نظام څخه ووته او د ستورو ترمنځ فضا ته ورسیده. په ۲۰۱۸ م کال ویجر۲ واستول شوه. ویجر ۲ حاضردمه فعالیت ته دوام ورکوي او له مځکې سره ارتباط لري.

نور ولولئ: ناسا د سپوږمۍ پر سطحه د چندریان-۳ انځورونه خپاره کړي

نور ولولئ: ناسا له فضايي بېړۍ سره ستاسو نوم مشتري ته لېږي

دا د بشر په لاس یوازینۍ دوې ستوربیړۍ یا وسیلې دي چې له شمسي نظام ها خوا ته رسیدلي دي.

د ناسا هڅې نه بریالۍ کېدې

د ناسا یا د امریکا د فضايي تحقیقاتو ادارې انجینیرانو نه شوای کولی چې د ویجر۱ د کمپیوټر چیپ له مځکې څخه ترمیم یا بدل کړي خو دوی له مځکې څخه په کوډونو کې لاس وواهه. دا خورا سخته او په عین حال کې ډېر وخت اخیستونکی کار و ځکه چې له مځکې څخه تر ویجر۱ پورې د سیګنالونو استولو ته ۲۲ نیم ساعته وخت پکار و او بیا ۲۲ نیمه ساعته نور پکار و چې د ستوربیړۍ سیګنالونه مځکې ته رارسیدلي وای.

د ناسا انجینیرانو بالاخره د اپریل په شلمه تایید کړه چې د دوی تماس نتیجه ورکړې ده او ساینسپوهان له پنځو میاشتو وروسته په لومړي ځل توانېدلي چې له ویجر ۱ سره اړیکې ټینګې کړي.

ناسا دغه بېړۍ ددې لپاره استولي وه چې په فضا کې ځینې زرات، له هوا د اقلیم بدلون اغېزې او نور مطالعه کړي.

ناسا یا د امریکا د فضايي څېړنو اداره هڅه کوي چې په فضا کې نوي او منلي څېړنې ترسره کړي. په دې هڅو کې ددې ادارې ساینسپوهان له ګڼو ستونزو سره هم مخامخ کېږي چې حل کول یې بیا زیات وخت غواړي.