د نیوزلینډ لوبډلی افغانستان د ماتولو سره نیم پایلوبی ته ورسیده
![د نیوزلینډ لوبډلی افغانستان د ماتولو سره نیم پایلوبی ته ورسیده](https://afghannow.net/wp-content/uploads/2021/11/5k5tejn_nz-afp_625x300_07_November_21.webp)
افغانستان –
کرېکټ نړیوال جام کی نيوزيلنډ افغانستان ته په ماتې ورکولو سره نيمه پايلوبې ته ورسیده د کرېکټ شل اوريز نړيوال جام په ترڅ کې نيوزيلنډ له افغانستان څخه په اتو لوبغاړو سيالي وګټله او نيمه پایلوبې ته يې لار پیدا کړه دغه لوبه چې د متحده عرب اماراتو په ابوظبي کې وشوه افغانستان پچه وګټله.
شلو اورونو کې یې د اتو لوبغاړو له لاسه ورکولو وروسته ۱۲۴ منډې وکړې او نیوزیلنډ ته یې د ۱۲۵ منډو هدف وټاکه نيوزيلنډ د دوو لوبغاړو په سوځېدو سره د نولسم اوور په لومړي توپ دغه هدف پوره کړ او لوبه يې وګټله د افغانستان پیل ډېر ښه نه وو د پنځو اوورنو له لوبې وروسته یې ۱۹ منډې جوړی کړی او دوه لوبغاړی سوځیدلی وو محمد شهزاد د څلورو منډو له جوړولو وروسته لومړی افغان لوبغاړی وو چې د اډم ملنې په توپ کیج او او ورپسې حضرت الله ځاځی او بیا د شپږم اوور په لومړي توپ رحمان الله ګربز هم وسوځېد نجیب الله
دا هم ولولئ | د اپل شرکت په چین کی د قرانکریم اړوند اپلیکشن بند کړی
ځدراڼ او ګلبدین نایب د شپږم اوور له پیل وروسته د لوبې سمبالولو کوښښ وکړه خو د لسم اوور پای کې ګلبدین نایب هم د ۱۵ منډو له جوړولو وروسته وسوځېد افغان لوبډلې د ۱۰ اوورونو کې د ۵۹ منډو له جوړولو وروسته څلور لوبغاړي وسځیده له اتلسم اوور په پیل کې افغان لوبډلمشر محمد نبي د ۱۴ منډو له جوړولو وروسته وسوځېد او ورپسې نجیب الله ځدراڼ له ۴۸ توپونو د ۷۳ منډو جوړولو وروسته وسوځېد له دې وروسته کریم جنت د یواځی دوو منډو له جوړولو وروسته له میدان نه ووت د نيوزيلنډ لپاره ټرېنټ بولټ درې، ټېم سوتي
دوه، اډم مېلني، جېمز نيشم او اېش سودي يوه يوه لوبغاړی وسوځول افغانستان له دې وړاندی په هره لوبه کې د پچې له ګټلو وروسته لومړی خپله توپ وهنه کړې یواځی له هند سره لوبه کې یې هند ته لومړی د توپوهنې بلنه ورکړې چې هند لوبډلې د ۲۱۰ منډو خورا لوی هدف ورته ټاکلی و
د نن ورځې دویمه لوبه د پاکستان او سکاټلنډ تر منځ کېږي. پاکستان وړاندی نیمه پایلوبې ته لار پیدا کړی خو په ګروپ کې د لومړي مقام پر ځای ساتلو لپاره پاکستان لوبډله باید نننۍ لوبه وګټي. سکاټلنډ تر اوسه خپلې ټولې څلور لوبې بایللې دي