د هري پاټر فلمونو اداکار مایکل ګمبون د ۸۲ کلونو په عمر ومړ
![new project 2023 09 28t124346.648](https://afghannow.net/wp-content/uploads/2023/09/New-Project-2023-09-28T124346.648-348x196.jpg)
مایکل کمبون چې مشهور فلمي اداکار و، تېره ورځ د ۸۲ کلونو په عمر له دې نړۍ وکوچېده
برتانوي اداکار مایکل ګمبون چې د هري پوټر لړۍ په شپږو برخو کې یې د پروفیسور البوس ډمبلډور رول لوبولی، د ۸۲ کلونو په عمر مړ شوی دی.
په ډوبلین کې زیږېدلی، هغه د شپږو لسیزو لپاره په تلویزیون، فلم، تیاتر او راډیو کې کار کړی چې له برکته یې د “بفټا” څلور جایزې لري. ښاغلی ګمبون د سینهبغل له ناروغۍ وروسته په روغتون کې مړ شو.
د هغه لومړی هنري فعالیت
کله چې هغه ماشوم و کورنۍیې لندن ته لاړه، مګر د هغه لومړنۍ تیاتر فعالیت په ۱۹۶۲ کې د ډوبلین اوتلو په ډرامه کې و.
د هغه مسلک هغه وخت پیل شو کله چې هغه په لندن کې د لارنس اولیویه ملي تیاتر د لومړي غړي په توګه کار پیل کړ. هغه د بریتانیا د ملي تیاتر تولیداتو کې د هغه د فعالیت لپاره درې اولیویه جایزې وګټلې.
نور ولولئ: هالیووډ سینما؛ امریکا کې یې هنرمندانو کاري اعتصاب کړی
که څه هم هغه د تیاتر کار د خپل مسلک تر ټولو مهم هبرخه ګڼله، ده په ۱۹۸۰ او ۱۹۹۰ کلونو کې د یو لړ مهمو تلویزیوني او فلمي رولونو لپاره هنري ستاینې ترلاسه کړې.
په دې کې د سندرو جاسوس یا محقق په نوم یوه ډرامه شامله وه، چې په هغه کې یې د ډینس پوټر په پېچلې کیسه کې د جاسوس رول لوبولی و.
په ۱۹۸۵ کې، هغه د لیکوال د محاکمې او بند په اړه د BBC 2 لړۍ په درې برخو کې آسکر وائلډ انځور کړ.
په بله لسیزه کې، هغه د هالیووډ د پام وړ تولیداتو لکه “ګوسفورډ پارک”، “سلیپي هولو” او “ټایز” کې ولوبېد.
د اداکارۍ د نړۍ د یو بل لوی، ریچارډ هاریس له مړینې وروسته، هغه د هغه ځای د ډمبلډور رول ومانه. ډمبلډور د هري پاټر د بریالي فلمونو په لړۍ کې د هوګورټس د طریقې مشر و.
د هغه د مړینې په اړه غبرګونونه
د هري پاټر د کتابونو لیکواله جي کې رولینګ په «X» (ټوېټر) لیکلي: “لومړی ځل مې چې هغه په ۱۹۸۲ کال کې په شاه لیر کې ولید او که تا راته ویلي وای چې یوه ورځ به دا تکړه اداکار زما د لیکنو پر بنسټ په یوه کار کې راڅرګند شي، ما به فکر کاوه چې ته لیونی شوی یې.”
نور ولولئ: د باکس افیس نوي جوان فلم ته کتنه
“مایکل نه یوازې یو نامتو لوبغاړی و، بلکې یو ښه سړی و او ما له هغه سره کار کول خوښ کړل، نه یوازې په پاټر کې بلکې ‘موقته خلا’ کې هم.”
ډینیل راډکلیف چې د هري پاټر رول یې لوبولی و، په یوه بیان کې وویل: “مایکل ګمبون یو له هغو سترو لوبغاړو څخه و چې ما ورسره د کار کولو موقع ومونده، مګر د هغه د فوق العاده استعداد سربېره، زما لپاره تر ټولو په یاد پاتې خاطره د کار کولو پرمهال د هغه خوښي وه. ”
د هري پاټر بلې اداکارې ایما واټسن پر انسټاګرام کې لیکلي: “هغې هېڅکله ځان ډېر جدي نه دی ګڼلی، مګر د دې توان یې درلود چې د خپل ټول عظمت سره خورا جدي شیبې رامنځته کړي.”
په وروستیو لسیزو کې، سر مایکل ګمبون په هري پاټر کې د لوبېدو ترڅنګ لکه “د پلار پوځ” او “د پاچا وینا” فلمونو کې هم کار کړی.