د هندوستان غوره ليګ سياليو په لړ کې تېره ورځ دوه لوبې ترسره شوې چې په لومړۍ لوبه کې کلکتې لوبډلې ګجرات او حيدراباد لوبډلې پنجاب لوبډلې ته ماتې ورکړې
د پرونۍ لوبو لومړۍ لوبه د کلکتې نايټ رايډرز او ګجرات ټايټنس لوبډلو تر منځ ترسره شوه چې د کلکتې لوبډلې په بريا پای ته ورسيده.
د هندوستان غوره ليګ سياليو پرونۍ لوبه د ټول ليګ ۱۳مه لوبه وه، چې د ګجرات لوبې لوبډلمشر راشد خان د لوبې پچه وګټله او لومړی يې د توپ وهنې پرېکړه وکړه.
د ګجرات له لوري په توپ وهنه کې وېجای شنکر ۶۳ ناسوزيدلې منډې، سای سډهارسن ۵۳ او شبمن ګيل ۳۹ منډې وکړې. د ګجرات لوبډلې د ۲۰ اورونو په لوبولو او ۴ لوبغاړو په سوزيدو ۲۰۴ منډې وکړې او ۲۰۵ منډې هدف يې وټاکه.
د کلکتې له لوري په توپ اچونه کې سونېل نرين ۳ ويکټې او سیاش شرما يوه ويکټ ترلاسه کړه.
د کلکتې لوبډلې له لوري په توپ وهنه کې وينکيټاس ويار ۸۳ منډې، رينکو سينګ ۴۸ ناسوزيدلې منډې او نيټيش رنا ۴۵ منډې وکړې.
د ګجرات له لوري په توپ اچونه کې بيا راشد خان ۳ ويکټې، الزيري جوزيف ۲ او محمد شمي يوه ويکټ واخيسته.
دويمه لوبه د پنجاب کينګز او سنرايزرس حيدرآباد لوبډلې ترمنځ ترسره شوه
د نوموړې لوبې پچه د حيدراباد لوبډلې وګټله او لومړی يې د توپ اچونې پریکړه وکړه.
د پنجاب لوبډلې لومړی توپ وهنې ته راوبلل شوه چې د دوی له لوري شيکر دوان ۹۹ ناسوزيدلې منډې، سم کرون ۲۲ او سکندر رضا ۵ منډې وکړې چې ټولو ۱۴۳ منډې ترلاسه کړې او د ۱۴۴ منډو هدف يې وټاکه.
د حيدراباد لوبډلې له لوري مينک مارکنډا ۴ ويکټې، مارکو جانسن ۲ ويکټې او عمر مليک هم ۲ ويکټې ترلاسه کړې.
د حيدراباد لوبډلې له لوري په توپ وهنه کې راهول ټريپاټي ۷۴ ناسوزيدلې منډې، آډين مرکرام ۳۷ ناسوزيدلې او مينک اګروال ۲۱ منډې جوړې کړې او د لوبې په ۱۸ اور کې يې هدف ترلاسه کړ.
نور ولولئ: د هندوستان کرکټ غوره لیګ سیالیو وروستي مالومات
د پنجاب لوبډلې له لوري په توپ اچونه کې ارشډيف سينګ او راهول چهار يوه-يوه ویکټ ترلاسه کړه.
د نننۍ لوبې له حاله هم خبر شئ
د آی پي اېل سياليو په لړ کې نن يوه لوبه ترسره کيږي چې رايل جنلجرز بنګلور لوبډله له لکناو سوپر جاينټ لوبډلې سره لوبه ترسره کوي.
