اړوند خبرونه:
هند پر پاکستان د «سندور» عملیات پیل او ۹ سیمې یې په نښه کړي
کشمیر کې د تاوتریخوالي له امله، له هند سره د افغانستان سوداګري په ټپه ودرېده
اسلام اباد: “هند به په راتلونکو څو ساعتونو کې پر پاکستان برید وکړي”
د هند او پاکستان ترمنځ د وروستیو نښتو له امله د افغانستان د وچې مېوې صادرات ۷۰ سلنه کم شوي دي.
د وروستیو شمېرو له مخې، افغانستان یوازې تېر کال له هند او پاکستان سره د درې ملیارده او ۲۴۶ ملیونو ډالرو په ارزښت راکړه ورکړه کړې ده.
په داسې حال کې چې د هند او پاکستان ترمنځ د ترینګلتیاوو له امله تر اوسه د واګه بندر له لارې هند ته د افغانستان د ۵۰۰ ملیون ډالرو صادرات درېدلي دي.
د سوداګرۍ او پانګونې خونه پر دې باور ده، چې د دغه وضعیت دوام به د سیمې د هېوادونو په ځانګړې توګه د افغانستان سوداګرۍ ته زیان ورسوي.
اوسمهال د افغانستان د صادراتي توکو څه باندې ۱۶۲ کانټینره، چې ډېری یې وچه مېوه ده، په واګه بندرې کې بند پاتې دي.
د یادو دواړو هېوادونو ترمنځ تاوتریخوالی ورځ نه بلې ته په زیاتېدو دی.
تازه هند د پاکستان پر درېیو هوایي اډو بریدونه کړي او پاکستان یې هم پر وړاندې بریدونو ته زور ورکړی دی.
