د ټرمپ پرلهپسې پوسټونه؛ د امریکا ولسمشر ډونالډ ټرمپ د ایران جګړې د دوام تر سیوري لاندې د شپې ناوخته پر ټولنیزو رسنیو لسګونه پوسټونه کړي او یو ځل بیا یې خپل سیاسي مخالفین، رسنۍ او ځینې پخواني متحدین تر سختو نیوکو لاندې راوستي دي. د ټرمپ پرلهپسې پوسټونه
د ګارډین ورځپاڼې د راپور له مخې، ټرمپ یوازې په درېیو ساعتونو کې تر ۵۰ ډېر پوسټونه خپاره کړي، چې پکې یې پر بارک اوباما، جو بایډن، هیلري کلنټن او ځینو امریکايي قاضیانو توندې څرګندونې کړې دي.
د ټرمپ پرلهپسې پوسټونه ولې د پام وړ ګڼل کېږي؟
شنونکي وایي، د ټرمپ پرلهپسې پوسټونه داسې مهال زیات شوي چې په امریکا کې د ایران جګړې له امله اقتصادي اندېښنې هم پراخې شوې دي. د تېلو د بیو لوړوالی او د ژوند د لګښتونو زیاتوالی د امریکایانو لپاره مهمه موضوع ګرځېدلې ده.
ټرمپ په خپلو وروستیو پوسټونو کې یو ځل بیا ادعا کړې چې د ۲۰۲۰ کال ټاکنې ترې «غلا» شوې وې او پر خپلو سیاسي سیالانو یې د قضايي اقدام غوښتنه کړې ده. د ټرمپ پرلهپسې پوسټونه
هغه همداراز د امریکا سترې محکمې پر هغو قاضیانو نیوکه کړې چې ده مخکې ټاکلي وو، خو وروسته یې د هغه د ځینو اقتصادي پرېکړو ملاتړ ونه کړ.
ګارډین: ټرمپ پر اوباما او رسنیو هم بریدونه کړي، د ټرمپ پرلهپسې پوسټونه
ګارډین لیکلي، ټرمپ په خپلو پوسټونو کې پر پخواني ولسمشر بارک اوباما بېبنسټه تورونه پورې کړي او نیویارک ټایمز ورځپاڼه یې هم په نښه کړې ده.
راپور زیاتوي چې ټرمپ ځینې بدل شوي انځورونه هم خپاره کړي او هڅه یې کړې خپل سیاسي مخالفین کمزوري او ناکام وښيي.
بل لور ته، سیاسي څارونکي باور لري چې د ټرمپ پرلهپسې پوسټونه د ۲۰۲۶ کال ټاکنو ته د هغه د سیاسي کمپاین یوه برخه ده، څو خپل ملاتړي لا زیات فعال وساتي.
د ټرمپ پرلهپسې پوسټونه، د ایران جګړې سیوری پر امریکايي سیاست
د امریکا او ایران ترمنځ کړکېچ، چې په وروستیو میاشتو کې لا پسې پراخ شوی، د امریکا پر کورني سیاست هم اغېز کړی دی.
ټرمپ پخوا د «بېپایه جګړو» مخالفت کاوه، خو اوس د ایران جګړې اوږدېدو د هغه پر سیاسي دریځ هم نیوکې زیاتې کړې دي.
ځینې امریکايي رسنۍ وایي، د ټرمپ وروستي پوسټونه ښيي چې نوموړی هڅه کوي د جګړې، اقتصاد او داخلي سیاسي فشارونو تمرکز پر خپلو مخالفینو واړوي.
