اړوند خبرونه:
امرالله صالح: طالبانو د افغانۍ د کنټرول په موخه پر «شهزاده سرای» هجوم ور وړی
له تېرو دوو اوونیو راهیسې د اسعارو په بازار کې د افغانۍ پر وړاندې د ډالر لوړېدو سره هممهاله افغانستان بانک ویلي چې سبا چهارشنبه به ۲۷ میلیونه ډالر په ازاد بازار کې وپلوري.
افغانستان بانک نن (سهشنبه، د سلواغې۹مه) په ایکس پاڼه له ټولو صرافیو او د پیسو د تبادلې له مرکزونو غوښتي چې په دې داوطلبۍ کې ګډون وکړي.
د خبرپاڼې له مخې چې لیلام ګټوونکي باید د لیلام د ورځې ترپایه خپل حسابونه تصفیه کړي.
د افغانستان بانک تېره دوشنبه او شنبه د افغانۍ ثبات په موخه ۴۵ میلیونه ډالر لیلام کړل.
د افغانستان بانک په وینا، “د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کیږي، د داوطلبۍ ګټونکي اړ دي چې د خپل ذمت د قیمت پیسې په یو ځل په نغدي ډول په ټاکلې موده کې د افغانستان بانک ته وسپاري.”
سره له دې د افغانستان بانک وایي چې د یاد بانک د سرپرست په ګډون د صرافانو ټولنې له استازو سره د یوې غونډې په ترڅ کې د افغانۍ د ارزښت ساتنې، احتکار او اسعارو د قاچاق د مخنیوي اړوند مسایلو خبرې شوې دي.
