د ښځو د ۲۰۲۳ کال د فوټبال نړیوال جام سیالیو کې د سویډن او اسپانیا لوبډلې نیمه پای لوبې ته لار ومونده
په یادو سیالیو کې د ځینو هېوادونو ښځینه لوبډلې خورا ښه ځلېدلي دي چې په دې لوبډلو کې د یادو هېوادونو لوبډلې هم شاملې دي او ښې لوبې یې ترسره کړي دي.
د ښځو د فوټبال نړیوال جام په کوارټر پای لوبه کې د جمعې په ورځ دوه لوبې وشوې چې لومړۍ سیالۍ کې د اسپانیا ښځینه فوټبال لوبډلې هالنډ ته ۱-۲ ماتې ورکړه.
د سویډن ښځینه لوبډلې بریا
د سویډن لوبډله هم په دغه ورځ د جاپان لوبډلې ته د ۱-۲ په ورته ماتې سره نیمه پایلوبې ته ووته.
نور ولولئ: د ښځو فوټبال نړیوال جام سیالۍ؛ د امريکا لوبډلې لوبه مساوي کړه
د اسپانیا ښځینه لوبډله اول ځل د دې جام سیالیو نیمه پایلوبې ته وځي.
سوېډن هم د دې اتلولیو نیمه پایلوبې ته د وتلو لپاره جاپان او امریکا چې پخوا یې د دې سیالیو اتلولي هم ګټلې مات او له لوبو و اېستل.
د اسپانیا او سویډن پرمختللې لوبډلې به راتلونکې سې شنبه د سیالیو په نیمه پایلوبه کې له یو بل سره ولوبیږي.
له دې وړاندې انګلنډ د نایجریا په ماتولو منځلوبو ته لار پیدا کړې وه
انګلنډ ښځینه فوټبال لوبډلې نایجریا لوبډلې ته په ماتې ورکولو سره نیمه منځلوبې ته لار پیدا کړه
د ښځو فوټبال نړیوال جام سیالیو په لړ کې نن دوشنبه د انګلنډ او نایجریا لوبډلو په زړه پورې لوبه وکړه. د لوبې تر پایه هېڅ لوبډله ونه توانېده چې د سیالې لوبډلې دروازه پرانیزي.
د لوبې په وروستیو کې، د انګلنډ لوبډلې لوبغاړې لارین جیمز ته سور کارت ورکول شو او دغې لوبډلې په خپلو لسو لوبغاړو تر فشار لاندې لوبه وکړه.
د افریقا لویې وچې دغې نهه ځلې اتلې لوبډلې خپل د لوبې پلان په بشپړ ډول پلی کړ، د انګلنډ لوبډله یې نهیلې کړې وه او ګول وهلو ته یې پرېنښوده.
نور ولولئ: د ښځو فوټبال نړیوال جام پیل؛ لومړۍ لوبه له استرالیا، نیوزیلنډ وګټله
په پایله کې خبر تر پینالټیو ورسېده. په پینالټیو کې د نایجریا لوبغاړي ښه ونه ځلېدل او دوه لوبغاړي یې په ګول وهلو ونه توانېدل چې په پایله کې دا لوبه ۲-۴ انګلنډ لوبډلې وګټله او منځلوبو ته یې لار ومونده.
د انګلنډ ښځینه لوبډلې درې لوبې ګټلې دي خو نایجریا بیا دوه لوبې مساوي او یوه یې ګټلې وه.
د ښځو نړیوال جام سیالۍ د په کوربتوب پیل شوې، چې د اګست میاشتې تر شلمې نېټې به دوام وکړي.
د ښځو نړیوال جام سیالیو کې ۳۲ لوبډلې په اتو ګروپونو کې سیالي سره کوي، اوسمهال لوبې د ۱۶ غوره لوبډلو ترمنځ روانې دي.
