د وردګو ولایت امنیه قومنداني وايي، چې دغه خونړۍ ترافیکي پېښه تېره شپه د کابل-کندهار پر لویه لار رامنځته شوي ده.
د وردګو ولایت د سیداباد ولسوالۍ اړوند د کابل – کندهار په لویه لاره د ترافیکي پېښې له امله ۷ کسان مړه او ۱۰ نور ټپیان شوي دي.
د وردګو د امنیې قوماندانۍ مسوولینو ویلي چې دا پېښه تېره شپه د کابل – کندهار په لاره د لوکسل او فیلډر موټرو د ټکر له امله شوې ده.
د مسوولینو په وینا چې د دې پېښې له امله په مړوشویو کې دوې مېرمنې او پنځه ماشومان شامل دي.
د سرچینې د معلوماتو له مخې چې د دې پېښې ټپيان د سیداباد ولسوالۍ د ملک محمدخان روغتون ته وړل شوي او د پېښې په تړاو څېړنې پیل شوې دي.
د ویلو ده چې په تېرو دریو کلونو کې د هېواد په نږدې ټولو ولایتونو کې ترافیکي پېښې په کمسارې توګه زیاتې شوې چې ستر لاملونه یې د چلوونکو بېاحتیاطي، ګړندی تګ او د ترافیکي اصولو نهمراعاتول بلل کېږي.
په هېواد کې د دې ترافیکي پېښو له امله د نارینهوو په ګډون وخت ناوخت ښځې او ماشومان هم ژوند بایلي.
بلخوا د سرپرست حکومت مسوولینو بار بار له چلوونکو غوښتي چې د هر ډول سفر پرمهال احتیاط وکړي او د سورلۍ ژوند وژغوري.
