ایاز صادق په داسې حال کې د پاکستان د قامي اسمبلۍ رئیس وټاکل شو چې لا هم ځینې ګوندونه تر شوي ټاکنې شفافې نه بولي
پاکستاني رسنیو راپور ورکړی چې ایاز صادق د پاکستان د قامي اسمبلۍ رئیس وټاکل شو او دغه شخص تر ټولو ډېرې رایې وړي دي چې د پاکستاني پارلمان رئیس انتخاب کړل شو.
د پارلمان ریاست ته هغه کسان هم نوماند شوي وو چې ګوندونو ته یې اوسنۍ ټاکنې د نه منلو وړ دي.
ایاز صادق د مسلم لیګ ن ګوند مخکښ غړی
ایاز صادق د مسلم لیک ن یا نواز ګوند چې د پاکستان په سیاسي لوبو کې مهم لوبغاړی دی، یو مهم مشر بلل کېږي او د ګوند دننه د باور یوه څېره بلل کېږي.
د پاکستان د مسلم لیګ نواز ډلې مشر ایاز صادق د ۱۹۹ رایو ګټلو سره د دغه هېواد د قامي اسمبلۍ مشر وټاکل شو.
نور ولولئ: شهباز شریف ۵ ګوندونو ایتلاف کې د لومړي وزیر څوکۍ ته ځان نوماند کړ
نور ولولئ: پاکستان کې پر ګډ حکومت د مسلم لیګ نواز او پیپلز ګوند هوکړه
نور ولولئ: نن پاکستان کې پارلماني ټاکنې کېږي
ښاغلی صادق له ځیرکو سیاستوالو دی چې له ۲۰۱۳ تر ۲۰۱۸ کال هم د پاکستان د پارلمان مشر پاتې شوی دی.
د عمران خان په مشرۍ پاکستان د تحریک انصاف ګوند ملاتړي نوماند امیر ډوګر په نننیو ټاکنو کې ۹۱ رایې وګټلې.
د لوړې ترسره کول
پاکستان کې په ټاکنو کې بریالي شوو نوماندانو پرون د قامي اسمبلۍ لپاره د پنځو کلونو دورې په خاطر لوړه وکړه.
د پاکستان د پارلماني غړو په لوړه کې د مسلم لیګ نواز مشر نواز شریف او ورور یې شهباز شریف، د پیپلز ګوند مشرانو اصف علي زرداري او بلاول بوټو زرداري، همدارنګه د پښتونخوا ملي عوامي ګوند مشر محمود خان اڅکزي، د جمعیت علمای اسلام مشر مولانا فضل رحمان او ځینې نورو مشرانو هم لوړه وکړه.
د پاکستان ټاکنو کې د عمران خان ډله چې ې د ۹۲ څوکیو ګټلو سره تر نورو ګوندونو مخکې ده، دغه انتخابات له درغلیو ډک بولي او د پلټنو غوښتنه کوي.
تر تحریک انصاف ګوند وروسته مسلم لیګ نواز ډله د د ۷۹ څوکیو په ګټلو له پیپلز ګوند سره، چې ۵۴ پارلماني څوکۍ یې ګټلې دي، د ګډ حکومت پر جوړولو هوکړه کړې ده.
بل لورته په بلوچستان، سند او پښتونخوا کې ځینې ګوندونه د ټاکنو پر پروسه نیوکې لري او وايي چې په دغه پارلماني ټاکنو کې درغلۍ شوي دي.
ځینې بیا دا اعتراض هم لري چې ځینو مذهبي ګوندونه ته د چوکیو او په راتلونکې حکومت کې ونډې ژمنې او باج هم ورکړل شوی دی.
