د روان میلادي کال ای پي ایل کې د راشد خان غوره لوبه د نړیوالو رسنیو سر ټکي دي
راشد خان د هند په سوداګریزو لیګ کې له ګجرات ټيټانز لوبډلې سره لوبېږي. په نړیواله کچه دغه مشهور سپینر بالر ته په هند کې د کرکټ د نړیوال ستوري په سترګه کتل کېږي، ځکه نوموړی د خپلې لوبډلې لپاره هم غوره بالېنګ کوي او هم غوره بېټینګ کوي.
راشد خان تر اوسه د ای پي ایل په ټولو لوبو کې له ۱۰۰ ډېرې ویکټې تر لاسه کړي دي.
د راشد خان غوره لوبې
دغه نړیوال الراونډر بالر د ۲۰۲۴ کال ای پي ایل سیالیو کې خپله لوبډله په حساسو شیبو کې تر بریا رسولي ده. مثلاً، د همدې کال د اپرېل په ۱۱مه د شوبمانګل له نیمه سلیزې وروسته د راشد خان ۲۴ چټکې منډې وې چې راجستان لوبډله یې ماته او خپله لوبډله یې تر بریا ورسوله.
نور ولولئ: راشد خان ولې له بېګباش سیالیو بهر کړی شو
نور ولولئ: راشد خان ای پي ایل کې د ډېرو ویکټو اخیستو ریګارډ خپل کړ
د ۱۹۷ هدف په تعقیب، ګجرات ټایټینز ورو پیل وکړ. دواړو اوپنرانو شوبمن ګیل او سای سدرشن په خپلو لومړیو څلورو اورونو کې په یوه بال یوه منډه واخیسته او په وروستیو ۱۶ اورونو کې ۱۷۱ منډو ته اړتیا وه. ټایتانز خپل پاور پلی په ۴۴ منډو پرته له کوم زیان پای ته ورساوه. خو راشد خان بیا دغه لوبه دومره په زړه پورې کړه چې د لوبې ټول ټاکلی مزل یې له هیلو سره سم سرته ورساوه.
د راشد خان اخیستي ویکټې
راشد خان په یوه مرکه کې ویلي، د ۲۰۲۴ کال د ای پي ایل لوبو کې یې هغه شمېر ویکټې نه دي اخیستي لکه څنګه چې دده تمه وه.
دغه افغان نړیوال لوبغاړی د ملا له عملیاتو وروسته لوبو ته راوګرځېده، خو پر دې سربېره یې بیا هم د ګجرات ټيټانز لوبډلې په ګټه ۶ ویکټې اخیستي دي او د مقابل لوري بېټسمېنان یې له ډېرو منډو راګرځولي دي.
راشد خان په غوره فېلډینګ یا توپ نیونه کې هم بې مثاله دی. ده په یوه لوبه کې وکولی شول چې د غوره کېچ نیونې له امله خپله لوبډله بریا ته ورسوي او خپل سیال مات کړي.
راشد خان په هند، افغانستان، پاکستان او نورو هغو ملکونو چې د کرکټ مینه وال په کې زیات دي، یو وتلی نوم دی او پېژندل شوي څېره ده.
دغه افغان سپینر بالر یو ښه کپټان هم دی چې لوبه په اضطراري حالت کې کنټرولوي.
