اړوند مطالب:
په نیټفلیکس کې د ۲۰۲۳ کال ډېر کتل شوي هندي فلمونه
پر نټفلیکس د مازکر له ناول جوړ شوی سریال
کېدای شي چې دا هندي فلمونه تاسو ته د حیرانوونکو صحنو، اکشن، عاشقانه کیسو، رنګه او ښایسته لباسونو او خورا احساساتي برخو یادونو در تازه کړي. که تاسو د هندي سینما فلمونه خوښوئ او غواړئ دوه ساعت د یوه ساده کیسه لرونکي فلم په لیدلو تیر کړئ چې په اسانۍ سره ستاسو سترګې د اوښکو ډکه کړي، نو د غوره هندي فلمونو دې لست ته مخه کړئ. په دې فهرست کې د پخوانیو وختونو او اوسنيو کلونو فلمونه شامل دي چې د بېلابېلو ذوقونو اړتیاوې در پوره کوي.
۱. پسران معمار (Builder Boys)
ددې فلم لوبغاړي چاناکیا پاتل، راناک کامدار، شیوام پارک، اشنا کاناسارا، شکار شوکلا دي او ژانر یې طنزیه دی.
د دې فلم کیسه د معمارۍ په نړۍ کې د اعتماد پر اساس د کامیابۍ پر مفهوم تمرکز کوي. په دې فلم کې د منځنۍ طبقې خلک خپلې پانګې یوه معمار ته سپاري او په بدل کې د ښو اسانتیاوو سره یو عصري اپارتمان ترلاسه کوي. خو ستونزې هغه وخت پیدا کیږي کله چې دوی فکر وکړي ممکنې پانګه يې بېځایه شي یا پلانونه ناکام شي. فلم د دې تجربې اندیښنې په طنزي ژبه وړاندې کوي او د لوبغاړو غوره اجرا یې خورا زړه پورې کړی دی. دغه فلم په لومړي سر کې ستاسو کې فشار پیدا کوي، خو د خوښۍ او مثبت احساس سره پای ته رسیږي.
۲. کوکی (Kooki)
په دې فلم کې پراناب جی دکا، ریتیشا خاوند، راجش تیلانگ، دیپانیتا شارما او ریتو شیوپوري لوبېدلي چې ژانر یې ډرامه ده.
دا فلم د یوې ۱۶ کلنې نجلۍ د ژوند یوه ستره تراژیدي انځوروي چې له خورا سختو ستونزو سره مخ ده. د فلم کیسه د هغې د ژوند هغه چیلنجونه بیانوي چې د جنسي تېري له امله یې زغمي. د دې فلم ځانګړتیا دا ده چې د قربانیانو د ژوند د حقوقي اړخونو پر ځای، د هغوی د رواني او ټولنیزو ستونزو په اړه خبرې کوي. دغه نجلۍ د خپلې ترخې تجربې له امله اړ ده چې پاتې ژوند د زخمي روح سره تېر کړي. فلم د ۲۰۲۴ کال د هندي سینما یو له غوره شاهکارونو څخه ګڼل کېږي.
۳. شارماجي نجلۍ (Sharmajee Ki Beti)
ددې فلم لوبغاړي طهیرا کاشیاپ، سایامي کر، آریستا مهتا، دیویا دوتا او وانشیکا تاپاریا دي او ژانر کومیډي دی چې ډېر مینه وال لري.
دا فلم د ښځو پر ژوند تمرکز کوي او د هغوی کیسې په کومیډي ژبه وړاندې کوي. د فلم اصلي کیسه د پنځو هندي نجونو د بوخت ژوند چیلنجونه انځوروي. سواتي (وانشیکا تاپاريا) د خپلې مور څخه ناراضه ده ځکه چې هغې خپلې کورنۍ ته د پام پر ځای خپل کار ته ډېره توجه کړې ده. ګوروین (آریستا مهتا) په یوه ښار کې ژوند کوي چې ځان ته یې لا کور نه دی ګڼلی او د یوازیتوب احساس کوي. په همدې حال کې د خپل مینې سره اشنا کېږي او لږ آرامي په ژوند کې پیدا کوي. تنوي چې د هند د کرکټ په ټیم کې ده، د خپل ملګري لخوا په پرلهپسې ډول رد کېږي او د اړیکې دوام ته هیله نه لري. فلم د ښځو د ژوند پیچلتیاوې په زړه پورې او خندونکي ډول وړاندې کوي.
۴. ماهاراجا (Maharaja)
ددې فلم لوبېدونکی اکټران سوامیناتان، ویجي ستوپاتي، آنوراګ کاشياپ، مامتا موهانډاس، دیویا براثي دي او ددې فلم ژانر بیا اکشن-تخیلي دی.
دا فلم د دوو پلرونو په اړه دی. یوه یې ماهاراجا (ویجي ستوپاتي) دی چې یو آرایشګر دی او میرمن یې وفات شوې ده. هغه یوه ورځ د “لاکشمي” د ورکېدو راپور ثبتوي، خو معلومه نه ده چې لاکشمي څوک یا څه شی دی. بل پلار (آنوراګ کاشياپ) له خپلې میرمنې (آبهیرامي) او لور سره خوښ ژوند کوي. د دغو دواړو پلرونو ژوندونه سره تړلي دي، خو د فلم کیسه د بیان په پرتله ډېره پیچلې ده او نندارچیان به یې حیران کړي. دا فلم د هندي سینما د خشنو فلمونو له ډلې ګڼل کیږي.
