د افغانستان کرکټ لوبډلې ستوري لوبغاړي راشد خان د پاکستان سوپر لیګ سیالیو کې په چټکو او ګوګلي توپونو د کراچي کینګز لوبډلې پر توپ وهونکو سر وګرځاوه.
د پاکستان سوپر لیګ د اووم پړاو سیالیو په ۲۶مه لوبه راشد خان غوره توپ اچونه وکړه او د چټکو او ګوګلي توپونو په مرسته یې کراچي کینګز لوبډله په ۱۴۹ منډو وسوځوله.
د معلوماتو له مخې، دا د راشد خان په پي ایس ایل کې وروستۍ لوبه وه او له دې وروسته به بنګله دېش ته ځي او هلته به د افغاستان ملي لوبډلې سره یوځای شي.
راشد خان په روانه لوبه کې ۴ اورونه ترسره کړل، ۱۷ منډې یې ورکړې او د ۴.۲ اکانومۍ سره یې ۴ لوبغاړي وسوځول، چې په دې کې یې بابر اعظم هم ښکار وګرځېده.
نور یی ولوله | ژر پخېدونکي خواړه روغتیا لپاره څومره خطرناک وي؟
ټاکل شوې ده د افغانستان او بنګله دېش ترمنځ لومړۍ یوه ورځنۍ لوبه به د فبرورۍ په ۲۳م، دویمه ۲۵م او دریمه به په ۲۸مه نېټه په ډاکه کې ترسره شي. له هغې وروسته به شل اوریزې لوبې په چتګرام کې د مارچ په ۳مه او ۵مه ترسره شي.
