رینا امیري: افغانستان کې د هر ډول ثبات لپاره د ښځو ونډه اخیستل مهم دي
![rina1](https://afghannow.net/wp-content/uploads/2024/03/Rina1-780x470.jpg)
رینا امیري پر اېکس پاڼه لیکلي چې په هېواد کې د هر ډول ثبات لپاره په ټولنه کې د ښځو ونډه مهمه ده
بل لورته بیا طالبانو واک په رسېدو پر ښځو د زده کړو او په ادارو کې د کار کولو بندیزونه وضع کړي. له همدې امله د طالبانو رژیم په نړیواله کچه او په کور دننه له ګڼو نیوکو سره مخامخ دي.
خو د افغان میرمنو او نجونو د حقونو په برخه کې د امریکا د بهرنیو چارو وزارت ځانګړې استازې رینا امیري په افغانستان کې د اقتصادي، امنیتي، سیاسي او نورو برخو د دوام د مخنیوي لپاره په ټولنه کې د ښځو په ګډون باندې ټینګار کوي او وايي چې افغان مېرمنو ته د فعالیت اجازه ورکړل شي.
د ښځو د پیاوړي کولو په برخه کې هڅې
اغلې امیري د سه شنبې د ورځې ناوخته مارچ پنځم ( کب ۱۵) د ایکس په ټولنیزه شبکه د مارچ میاشت کې د ښځو نړیوالې ورځې د نمانځلو اهمیت ته په کتنې ویلي چې په کار دي ټول په ټولنه کې د ښځو د بشپړ ګډون د پیاوړي کیدو لپاره هلې ځلې وکړي.
![rina](https://afghannow.net/wp-content/uploads/2024/03/Rina-300x170.jpg)
میرمن امیري لیکلي: ” د ښځو د تاریخي میاشتې په اوږدو کې مونږ باید بشري حقونو او په ټولنه کې د ښځو بشپړ ګډون پیاوړی کړو، نشي کیدای چې هغوی په انزوا کې او بې اهمیته اوسي او ډیره ضروري ده چې د اقتصادي لا بې ثباتۍ، سخت دریځۍ او په افغانستان کې د جګړې د دوام مخه ونیول شي”.
نور ولولئ: رینا امیري وايي، په نادولتي ادارو کې د ښځو پر کار بندیز ستونزې رامنځته کړې
نور ولولئ: رینا امیري وايي چې طالبان بیاد د ښځو پر وړاندې ناوړه چلند ځواب ووايي
دارنګه طالبان هم ادعا کوي چې دوی د اسلامي شریعت په چوکاټ کې ښځو ته خپل حقوق ورکړي، خو افغانان بیا له طالبانو غواړي چې د نورې اسلامي نړۍ په څېر دې ښځو او نجونو د زده کړو او کار کولو حق ورکړي.
![rina2](https://afghannow.net/wp-content/uploads/2024/03/Rina2-300x170.jpg)
سبا د مارچ اتمه د ښځو نړیواله ورځ
رینا امیري په داسې حال کې د ښځو د ملاتړ په اړه خپل پیغام خپروي چې د مارچ اتمه د ښځو نړیواله ورځ نومول شوي ده او دغه ورځ په نړۍ کې د ښځو د بشري حقونو څخه د ملاتړ لپاره د ښځو د نړیوالې ورځې په توګه نمانځل کیږي.
افغانستان کې په ۲۰۲۱ کال د اګست په میاشت کې واک ته د طالبانو د بیا رسیدلو وروسته دا ورځ د طالبانو د حکومت له خوا په رسمي ډول نه نمانځل کیږي.
خو د افغان ملت او د نړیوالو له غوښتنو سره، سره بیا هم طالبانو د ښځو او نجونو د زده کړو مرکزونه، نه دي پرانېستي او د کار اجازه هم نه ورکول کېږي.