زمبابوې لوبډلې د خپلو لوبډلو د لوبډلمشرانو او روزونکو په ترکیب کې بدلون راوست
![زمبابوې](https://afghannow.net/wp-content/uploads/2022/03/زمبابوې.png)
کریګ ارون د زمبابوې کرکټ لوبډلې د یو ورځنیو او شل اوریزه لوبو لوبډلمشر ټاکل شوی او تجربه کاره توپ وهونکی سین ویلیمس د ټیسټ لوبډلمشر په توګه پاتې شوی او ریګیس چکابوا به په دریو فارمیټونو کې د مرستیال لوبډلمشر وي.
د راپورونو له مخې، ارون به د ایرلینډ، سکاټلینډ او سریلانکا په راتلونکو سفرونو د لنډ فارمیټ لوبو کې د لوبډلې مشري کوي.
نور یی ولوله | نمیبیا د عمان لوبډلې ته ستره ماتې ورکړه
همدا راز د سویلي افریقا پخوانی الراونډر لانس کلوزنر، چې د افغانستان لوبډلې مشر روزونکی هم و، د زمبابوې د توپ وهنې روزونکی ټاکل شوی او سټوراټ ماتسیکینري به د مرستیال او لال چند راجپوت به د مشر روزونکي په توګه دنده ترسره کړي.
د کلوزنر تېره دوره له ۲۰۱۶ څخه تر ۲۰۱۸ کال پورې وه، چې له هغې وروسته یې د افغانستان ملي لوبډلې د مشر روزونکي په توګه دنده پیل کړه او له نړیوال شل اوریز جام وروسته یې قرارداد تمدید نه کړ.
همدا راز ماري این مسونډا به د ښځینه لوبډلې مشري وکړي او جوزفین نکومو به یې مرستیاله وي او ګاري برینټ د اډم شیفو پر ځای د ښځینه لوبډلې د مشر روزونکي په توګه وټاکل شو.