سعودي او نور عربي هېوادونو ویلي چې پر سوریې د اسراییلو بریدونه بشري سرغړونه ده
د سعودي عربستان بهرنیو چارو وزارت یوه بیان کې ویلي، چې په سوریه کې د جولان پر لوړو سیمو د اسراییلو بریدونه له نړیوالو قوانینو سرغړونه ده او دا چاره د سوریې د امنیت او ټیکاو له منځه وړل یاد کړي دي.
خبرپاڼه کې د سوریې ځمکنۍ بشپړتیا ته پر درناوي ټینګار شوی دی.
دا په داسې حال کې ده، چې اسرائیلو په سوریه کې پر بېلابېلو پوځي سیمو هوایي بریدونه کړي دي.
د سوریې د ځینو سیمو د نیولو هڅې
“د فیټ اکومپلي پالیسي چې د اسراییلي اشغال لخوا تعقیب شوې، په شمول د سوریې سیمو نیولو هڅې، به سیمه نور هم تاوتریخوالي او بې ثباتۍ ته بوځي”، یې زیاته کړه.
اسرایل د یکشنبې په سهار د وسله والو مخالفینو لخوا په سوریه کې د پخواني ولسمشر بشار الاسد د حکومت د نسکورولو وروسته په سوریه بریدونه پیل کړل.
نور ولولئ: سوريایان او لبنانیان لا هم د اسد په پټو زندانونو کې خپلو عزیزانو پسې لټون کوي
نور ولولئ: ابو محمد جولاني څوک دی او پر وړاندې یې ننګونې څه دي؟
سعودي عربستان د دوشنبې په ورځ د اسراییلي اقداماتو په اړه وویل، چې دا پیاوړې کوي “د اسرایل د نړیوالو قوانینو د مقرراتو دوامداره سرغړونه او د سوریې د امنیت، ثبات او د خاورې بشپړتیا د بیرته ترلاسه کولو چانس د خرابولو هڅه”.
د سلطنت د بهرنیو چارو وزارت هم په نړیواله ټولنه غږ وکړ چې د اسراییلي کمپاین غندنه وکړي، په ټینګار سره چې د ګولان لوړې یوه اشغال شوې عربي سیمه ده.
پر اسرائیلو د عراق نیوکه
بغداد همدا ډول نیوکه وکړه، ویې ویل چې اسراییل د نړیوالو قوانینو لاندې یو “سخت سرغړونه” کړې ده.
عراق “د سوریې حاکمیت او بشپړتیا ساتلو اهمیت ټینګار کوي او د ملګرو ملتونو امنیت شورا ته غږ کوي چې خپله مسوولیت ومني او دا تېری وغندي … او دې ته د پای ټکی کېږدي”، دا د عراق د بهرنیو چارو وزارت یو بیان کې ویل شوي.
د بشري حقونو څار یوې ادارې ویلي، چې د اسرائیلو پوځ د دوشنبې پر ورځ ( د لیندۍ نولسمه ) د سوریې له ۱۰۰ ډېر پوځي اهداف له هغې وروسته تر هوایي بریدنو لاندې راوستل، چې د تحریر الشام وسلوالو د دې هېواد مرکز دمشق هم ونیوه.
د فرانس پریس خبري آژانس د راپور له مخې؛ په دې بریدونو کې اسرائیلو نه یوازې د سوریې د مخکني نظام پوځي وړتیاوې او د وسلو زیرمې له منځه وړي، بلکې د برزه ساینسي څیړنو مرکز هم ویجاړ شوی دی.
د یادونې ده، چې د تحریر الشام وسله والو وړمه ورځ د بشارالاسد حکومت ړنګ او هغه مسکو ته پنا یوړه.
