د شنبه های ارغواني غورځنګ وايي چې د ایران پر پوله د افغانانو د وژنې پوښتنه باید وشي
د شنبه های ارغواني یا د ارغواني شنبو غورځنګ وایي، چې د طالبانو ملاتړی هېواد ایران د یوه انساني او اسلامي چلند پر ځای د دغه هېواد په پوله افغانان وژلي؛ هغه اقدام چې په هیڅ قانون او هېڅ ډول د توجیه او منلو نه دی.
دغه غورځنګ د یوې خبرپاڼې په خپرولو سره ویلي، واک ته د طالبانو له رسېدو وروسته افغانان د بې وزلۍ او وزګارتیا له امله په قاچاقي لارو ایران ته ځي.
د قربانیانو جسدونه لا هم نه دي انتقال
په خبرپاڼه کې راغلي، چې د افغان کډوالو د ډلهییزې وژنې په برخه کې دې د دوی کورنیو ته د دغې پېښې غرامت ورکړل شي، د پېښې د ټپیانو سمه درملنه دې وشي او د قربانیانو جسدونه دې ژر تر ژره افغانستان ته ولېږدول شي.
دغه غورځنګ د کډوالۍ نړۍوال سازمان او د ملګرو ملتونو په مشرۍ په دې برخه کې د یوې رڼې او بې پرې څېړنې غوښتنه هم کړې.
دغه غورځنګ زیاته کړې، طالبان تل له انساني ناورین څخه د خپلو سیاسي ګټو په موخه کار اخلي او اوس هم هڅه کوي، چې د قربانیانو شمېر کم وښیي او په دې کار سره غواړي چې د ایران لهخوا امتیاز تر لاسه کړي.
نور ولولئ: ایران: ۵۷۴ افغان بندیان به کابل ته وسپاري
نور ولولئ: طالبان ۱۵ ورځې وروسته؛ له ایران سره پر پوله افغانان وژل شوي
دغه غورځنګ دا رنګه له ایرانه غوښتي، چې د ورته پېښو د تکرار مخه ونیسي، د دغه هېواد په پولو د انساني قاچاق مخه ډب کړي او په ایران کې د افغان کډوالو پر وړاندې توپیري سیاستونه او غیرانساني چلند پای ته ورسوي.
له بل پلوه د ایران د بهرنیو چارو وزارت ویاند ویلي، تهران “حیران او ناخوښه” دی چې د طالبانو “ځینو چارواکو” د ایراني پوله ساتو لهخوا پر افغان کډوالو د ډزو خبرونه جدي نیولي.
شنبههای ارغواني غورځنګ، د افغان ښځو او نجونو وضعیت تر ټولو بد حالت کې دی
د ۳۰۰ افغانانو وژل کېدل
اسماعیل بقايي یو ځل بیا د ایران پر پوله پر افغانانو ډزې «بې بنسټه» خبرونه وبلل.
خو د بشري حقونو یوه سازمان حال وش چې د سیستان او بلوچستان په تړاو رپوټونه خپروي، د لومړي ځل لپاره یې (د تلې په ۲۲مه) د کلګان سراوان په سیمه کې پر افغان کډوالو د ډزو خبر خپور کړ.
د دغه سازمان په وینا، د ایران سرحدي ځواکونو په سراوان کې د هغو ۳۰۰ افغان کډوالو پر یوه ډله ډزې وکړې چې غوښتل یې ایران ته واوړي، چې په پایله کې یې لسګونه کسان مړه او ټپیان شول.
د دغو راپورونو له خپرېدو دوه اونۍ وروسته طالبانو هم پېښه تاييد کړه او اعلان يې وکړ، چې د ايران پر پوله د ډزو او ماين چاودنې له امله دوه تنه وژل شوي او ٣٤ نور بیا ټپیان دي؛ خو دا یې هم ویلي چې د دوی پلټنې پای ته نه دي رسېدلې او د نورو وژل شویو او ټپي شویو افغانانو په اړه به نور سپیناوی هم وکړي.
