اړوند خبر:
کرېکټ؛ ګربز له خپلې لوبډلې سره یو ځای شو
امو نهنګان لوبډلې د یوې غوره لوبې وروسته سپين غر پړانګان لوبډلې ته د ۳ ویکټو په توپیر ماتې ورکړه او لسم پړاو اتصالات شپږیزه کرکټ جام سیالیو کې یې خپله دریمه بریا ثبت کړه.
د شپږیزه کرکټ لیګ لسم پړاو سیالیو نهمه لوبه، د راشد خان په شتون کې سپین غر پړانګانو او د عظمتالله عمرزي په لوبډلمشرۍ د امو نهنګان لوبډلو ترمنځ ترسره شوه.
د لسم پړاو اتصالات شپږیزه کرکټ لیګ په نهمه لوبه کې نن(پنجشنبه، د جولای ۲۴مه) د لوبې لومړۍ پاڼۍ کې د سپین غر پړانګان لوبډلې د خپلو ټولو لوبغاړو په زیان سره ۱۲۱ منډې جوړې کړې او امو نهنګانو ته یې د ۱۲۲ مندو هدف وټاکه.
د سپین غر پړانګانو په ګټه زبید اکبري ۴۳ منډې جوړې کړې، له بلې خوا د امو نهنګانو لپاره شرفالدین اشرف ۳، قیس احمد، فضل الحق فاروقي او محمد ګل دوه-دوه لوبغاړي اوټ کړل.
له دې سره افغانستان د کرکټ مخکښ ستوری راشد خان د کورني کرکټ څخه د یوې مودې لپاره د لرې پاتېکېدو وروسته بېرته هېواد ته راستون شو ترڅو په شپږیزه لیګ کې برخه واخلي او د سپین غر لوبډلې مشري وکړي.
د یادولو ده چې د دغه لیګ سیالیو کې د لسمې لوبې لپاره د بند امیر ښامارانو او بست ساتونکو لوبډلو ترمنځ لوبه پیل شوې ده.
