لوبې

شپږیزه: نبي به د ګربز او اصغر به د حمزه تر لوبډلمشرۍ لاندې لوبېږي

نوي ځوانان به د تجربه لرونکو لوبغاړو کپتان وي

د شپږیزې کرکټ لیګ د سږکال پړاو به نه یوازې له دې وجې بدل وي، چې ۸ لوبډلې پکې برخه اخلي، بلکې له دې امله به هم بدل وي، چې نوي ځوانان به د تجربه کارو لوبغاړو لوبډلمشران وي.

 

د کابل بازانو لوبډلې مسوولینو د سږکال لپاره هم رحمان الله ګربز خپل لوبډلمشر اعلان کړی دی.دا په داسې حال کې ده، چې د ملي لوبډلې د شل اوریزو لوبو لوبډلمشر او د شل اوریزو لوبو غوره الراونډر محمد نبي هم سږکال د کابل بازانو لوبډلې اخیستی دی. یعنې نوموړی به ګربز تر لوبډلمشرۍ لاندې لوبېږي.

 

نور یی ولوله | د شپږیزې د ۸ لوبډلو بشپړ نوملړونه

نور یی ولوله | امریکا: افغانانو ته مو د مهاجرت د ځانګړو ویزو پروسه چټکه کړې

 

بلخوا بیا د مس عینک اتلانو لوبډلې له خوا امیر حمزه هوتک کپتان اعلان شوی دی او په دغه لوبډله کې د افغانستان دوه ځلې کپتان پاتې شوی لوبغاړی اصغر افغان هم لوبېږي.

 

راشد خان هم سږ کال کابل ته راځي

د یادولو وړ ده، چې د تېر ځل شپږیزه کرکټ لیګ د رحمان الله ګربز په لوبډلمشرۍ د کابل بازانو لوبډلې ګټلی و.که چېرته سږکال راشد خان هم کابل ته راشي او په شپږیزه کرکټ لیګ کې برخه واخلي، نو شپږیزه به لا ډېره خوندوره شي.

مسعود

مسعود د حقایقو مدافع دی. هغه په ​​​​دې باور دی چې دا مهمه ده چې خبرې وکړئ او د هغه څه لپاره مبارزه وکړئ چې سم دي، پرته له دې چې لګښت څه وي.

اړوند خبرونه

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button