طالبانو سره زنداني مطیع الله ویسا ته د هالیووډ مشهورې لوبغاړي انجلینا جولي لیک
![64d390e65c44c](https://afghannow.net/wp-content/uploads/2023/08/64d390e65c44c-348x196.jpg)
د هالیووډ سینما وتلي فلمي ستوري افغان فعال مطعیع الله ویسا ته په لیک کې د هغه د خوشي کېدو غوښتنه کړې
د هالیووډ سینما مشهورې لوبغاړې او فلم جوړوونکې “انجلینا جولي” د طالبانو حکومت له زندان څخه د زدکړو د افغان فعال مطیع الله ویسا د خوشې کېدو غوښتنه کړې ده.
اغلې جولي ښاغلي ویسا ته په لیک کې چې یوه کاپي یېبيسي ته هم رسېدلې، لیکلي هیله لري چې یوه ورځ کابل ته لاړه او د ښاغلي ویسا د قلملار بنسټ فعالیتونه له نږدې وګوري.
نور ولولئ: د انجلینا جولي ښکلا لا هم مشهوره ده
په افغانستان کې د طالبانو حکومت امنیتي ځواکونو مطیع الله ویسا کابو پنځه میاشتې وړاندې نیولی او لا هم په زندان کې دی.
بلخوا د ښاغلي ویسا د کورنۍ غړي وايي، د نوموړي دوسیه له کابله کندهار ته استول شوې او هیله من دي چې د طالبانو مشر یې ژر د خوشي کېدو امری وکړي.
انجلینا جولې کډوالو لپاره د ملګرو ملتونو د عالي کمېشنرۍ ‘یواېناېچسيار’ سفیره پاتې شوې او د بشري حقونو او بشردوستانه چارو فعاله هم ده.
مطیع الله ویسا څو میاشتې وړاندې ونیول شو
هغې د قلم لار ټولنې بنسټګر مطیع الله ویسا ته په لیک کې د طالبانو له حکومت له زندانه د هغه د خوشې کېدو غوښتنه کړې ده.
اغلې جولي په دغه لیک کې ښاغلی ویسا مخاطب کړی او ویلي یې دي، “زه د افغانستان د هغو خواخوږو له ډلې څخه یم چې ستاسو د نیول کېدو خبره ډېره حیرانه کړم.”
نوموړې زیاته کړې “ستاسو په څېر زه هم د یوې داسې ورځې خوب وینم چې د افغانستان هر ماشوم وکولای شي ښوونځي او پوهنتون ته لاړ شي.”
نور ولولئ: انجلینا جولي د پخواني مېړه سره ملاقات رد کړ
په افغانستان کې د طالبانو حکومت امنیتي ځواکونو مطیع الله ویسا کابو پنځه میاشتې وړاندې نیولی لا هم په زندان کې دی.
د طالبانو حکومت چارواکي د هغه د نیول کېدو په اړه ډېر جزیات نه ورکوي خو ویلي یې دي چې هغه ګواکې خپلسري کارونه کول او د نظام پر ضد یې خلک هڅول.
بلخوا د مطیع الله ویسا ورور او د قلملار ټولنې غړي عطاالله ویسا بيبيسي ته ویلي “پر هغه چې کوم تورونه لګول شوي وو بې بنسټه دي.”
نوموړي زیاته کړې “موږ ته ویل شوي چې د هغه دوسیه کندهار کې لویې رهبرۍ ته تللې، خپله شیخ صیب [مولوي هبتالله اخوندزاده] پر دې باندې خبر شوی دی. هغه یو شمېر ادارو ته امر کړی چې په دې قضیه کې له عدالته کار واخلي.”
عطاالله ویسا زیاتوي چې دوی د طالبانو مشر ته جرګه ورلېږلې او دا چې ګواکې دې جرګې نوموړي ته د مطیعالله ویسا د کړنو په اړه په تفصل مالومات ورکړي دي.
د ویسا د قضیې په اړه نوي هیلې.
هغه وویل “موږ تر ډېره مطمین یو چې هغه به خوشې کېږي. له ځینو ادرسونو څخه چې موږ خبرېږو، قضیه ښې خوا ته روانه ده.”
د اغلې جولي لیک کې نور څه دي
د هالیووډ سینما لوبغاړې انجلینا جولي مطیع الله ویسا ته په لیک کې ویلي، “ما ته تر اوسه دا چانس نه دی برابر شوی چي تاسې له نږدي وګورم – خو زه هیله لرم چي په نږدې راتلونکې کې دې وګورم او د افغان ماشومانو د وړتیا وو په ترلاسه کولو کې ګډ کار وکړو.”
هغې لیکلي “تاسو هېر شوي نه یاست او توره شپه په رڼا پای مومي.”
د مطیع الله ویسا نیول کېدو په کور دننه او بهر پراخ غبرګونونه را پارولي او بېلابېلو خواو د هغه د ژر خوشې کېدو غوښتنه کړې ده
مطیع الله ویسا له ۲۰۰۹ کال راهیسې د افغانستان په لرې پرستو سیمو کې د تعلیم خورولو او د جهل پر وړاندې مبارزه کوله.