طالبانو هغه ۱۱ ټانکره تېل چې بې کیفیته وو، بېرته یې په نیمروز ولایت کې ایران ته د ابرېشم په پل ور واړول

د طالبانو تر کنټرول لاندې د سټنډرډ ملي ادارې خبر ورکړی چې ۱۱ ټانکره بې کیفیته تېل چې افغانستان ته واردېدل، بېرته یې ایران ته ورګرځولي دي.

تر دې وړاندې هم طالبانو د بې کېفیته تېلو د ور ستنولو خبرونه ورکړي وو خو ایران ویلي و چې طالبان په سرحدونو کې د تیلو کېفیت د معلومولو اسانتیاوې نه لري.

افغانستان له چینايي شرکت سره د نفتو د استخراج تړون لاسلیک کړ

د سټنډرډ ملي ادارې هڅې

د طالبانو تر واک لاندې د سټنډرډ ملي ادارې د دو شنبې ورځ د (کب ۱۴مه) نېټه په ایکس پاڼه لیکلي چې دغه ۱۱ ټانکره بې کېفیته تېل یې د نیمروز له بندرڅخه بېرته ایران ته ورستانه کړي دي.

د کب درېیمه دغې ادارې ویلي و چې افغانستان ته یې د ۲۳ ټانکره بې کېفیته تېلو مخه نیولې وه.

دغې ادارې درې اوونۍ وړاندې ادعا کړې وه چې د روان کال په مرغومې میاشت کې یې افغانستان ته د ۵۱۱ ټانکره بې کیفیته تیلو مخه نیولې.

نور ولولئ: د طالبانو اقتصادي معاونیت د شاوخوا ۱۰ میلیارد افغانیو په ارزښت ۲۴ پروژې منظورې کړې

نور ولولئ: سرپل کې له نوي څاه د تېلو استخراج او د ګازو نل‌لیکې د پروژې پیل

نور ولولئ: موټر چلوونکي د بې‌کیفیته تېلو د وارداتو مخنیوی غواړي

د طالبانو د سټنډرډ ملي ادارې د معلوماتو له مخې، د مرغومې په میاشت کې د نفتي توکو نهه زره ۵۴ ټانکرونه له بېلابېلو بندرونو افغانستان ته دننه شوي دي.

یادې ادارې ټینګار کړی چې د افغانستان د بندرونو په مهارولو سره به د بې کېفیته تېلو د ننوتو مخه ونیول شي.

د بې کیفیته تېلو په اړه د طالبانو خبرداری

طالبانو په وار، وار له ګاونډیو هېوادونو غوښتي چې افغانستان ته د کیفیته تېلو د وارېدېدو مخه ونیسي، خو لا تراوسه د بې کیفیته تېلو ټانکرونه افغانستان ته داخلېږي.

د طالبانو د سټندرډ ادارې، په تېرو څه باندې دوو کلونو کې په ځلونو د ګاونډیو هېوادونو د بې کیفیته تېلو ټانکرونه په تېره بیا د ایران هغه، مسترد کړي دي.

د طالبانو دغه کړنه د ایراني چارواکو له غبرګون سره مخ شوې. شاوخوا دوه نیمې میاشتې وړاندې، د ایران د نفتي توکو د صادروونکو د اتحادیې مشر، احمد معروف خاني، د طالبانو له خوا د نفتي توکو پر ورګرځولو نیوکه کړې وه.

ښاغلي معروف خاني ویلي و، چې طالبان د تېلو د کېفیت معلومولو لپاره اړین وسایل نه لري او که سوداګر دغې ډلې ته اضافي پیسې ورکړي، افغانستان ته د تېلو ټانکرونو د ورتلو اجازه ورکوي.

د یادونې وړ ده چې د سټنډرډ ملي ادارې د خوړو او نورو برخو کې هم د اصلاحاتو راوستو لپاره هڅې پیل کړي دي.