اړوند مطالب:
عباس ستانکزی ازادې رسنۍ غواړي، خو بله ډله طالبان ورباندې محدودیت وضع کوي
عباس ستانکزی د ښځو زدکړې واجب بولي
د اسلامي امارت د بهرنیو چارو وزارت وايي چې د ریاستالوزرا اقتصادي مرستیال، ملا عبدالغني برادر نن (چهارشنبې د ثور ۲۲مه) د یو لوړپوړي پلاوي په مشرۍ تاتارستان ته سفر کړی دی.
د یاد وزارت د خبرپاڼې له مخې چې ټاکل شوې ملا برادر به د کازان په ۱۶م نړیوال اقتصادي فورم کې ګډون وکړي. دا فورم، چې د مې له ۱۴څخه تر ۱۹ نېټې دوام کوي، د اسلامي هیوادونو او روسیې ترمنځ د اقتصادي همکارۍ د پیاوړتیا لپاره لار هواروي.
ټاکل شوې ده چې د اسلامي امارت پلاوی د فورم په غونډه کې د ګډون ترڅنګ د بېلابېلو هیوادونو له لوړپوړو چارواکو سره رسمي کتنې هم وکړي.
د دې غونډې موخه د اقتصادي او ډیپلوماتیکو اړیکو پراختیا او د افغانستان د بیارغونې لپاره د پانګونې راجلبول دي.
دا سفر په داسې وخت کې کیږي چې د کارپوهانو په وینا، اسلامي امارت د افغانستان د بحراني وضعیت د ښه کولو لپاره د نړیوال اقتصادي ملاتړ د جلبولو په لټه کې دی.
د کازان په فورم کې ګډون، چې د سیمې یو له مهمو اقتصادي پیښو څخه دی، د اسلامي امارت لپاره یو فرصت برابروي چې پانګوالو ته د کانونو او زیربنایي پروژې معرفي کړي.
