علي احمد جلالي ویلي، د ترهګرو ډلو د کابلو کولو لپاره باید پر طالبانو فشار راوړل شي
د افغانستان د کورنیو چارو پخوانی وزیر وايي، د سیمې هېوادونه کولای شي چې د هڅولو او په ځینو برخو کې د رټلو له لارې طالبان دې ته اړ باسي چې په افغانستان کې ترهګرې ډلې کابو کړي.
علي احمد جلالي وايي، تر هغې چې طالبان په خپلې واکمنۍ کې له یو لړ ننګونو سره مخامخ نه شي؛ نو شونې نه ده چې د سیمې د هېوادونو فشارونو ته دې غاړه کېږدي.
د غړو هېوادونو وروستۍ ناتسې ته اشاره
ښاغلي جلالي د جمعې په ورځ د (لېندۍ په نهمه) په خپله اېکس پاڼه د ټولیز امنیت د غړو هېوادونو په وروستۍ ناسته کې د دغو هېوادونو اندېښنو ته اشاره کړې، چې په افغانستان کې یې د ترهګرو ډلو د حضور له امله په ډاګه کړې وې.
د افغانستان د کورنیو چارو پخواني وزیر ویلي، سره له دې چې طالبانو ډاډ ورکړی چې د دوی له خاورې به د سیمې او نورو نړۍوالو ته ګواښونه نه پېښېږي؛ خو ښاغلي جلالي په دې برخه کې دا خبره ډاګیزه کړې، چې ښايي طالبان د دغه ژمنې په عملي کولو کې د بېلابېلو دلایلو له مخې پاتې راشي.
نور ولولئ: سي ای اې پخوانۍ ماموره: واشنګټن د طالبانو قطر دفتر ته هره میاشت ۱۰ میلیونه ډالر ورکوي
نور ولولئ: ایران، پاکستان، چین او روسیې د افغانستان په اړه څلور اړخیزه ناسته وکړه
د ښاغلي جلالي له نظره طالبان د خپلو کړنو او سیاستونو له مخې په خپلو کې سره یوه خوله نه دي او هره ډله بېلابېلې غوښتنې او نظریې لري.
په ژمنو کې د طالبانو پاې راوستل
هغه وايي، په طالبانو کې شته توپیرونه به د ترهګرو ډلو پر وړاندې د دوی په سیاستونو او کړنو کې درز رامنځته کړي.
ښاغلی جلالي هغو دوو لاملونو ته اشاره کوي، چې د ده له نظره طالبان د ترهګرو ډلو سره په ژمنو کې پاتې راولي، هغه یو ایډیولوژیک تړاو یادوي چې د ګڼو جهادي ډلو تر منځ په توپیر کې دی. په داسې حال کې چې طالبان ښايي د خپل نړۍوال مشروعیت او اقتصادی مرستو په لټه کې وي، په دویم لامل کې هغه د طالبانو او القاعده ډلې تر منځ هغو لرغونو اېډیولوژیکو تړاوونو یادونه کوي، چې له امله یې د ترهګرۍ پر وړاندې د هغوی مبارزه نوره هم پېچلې کولای شي.
ښاغلی جلالي د ترهګرۍ سره د طالبانو په مبارزه کې د پاتې راتلو درېیم لامل ته هم اشاره کوي، د هغه په باور د دوی د ملاتړو تر منځ د انډول ساتنه او د توند لارو عناصرو خوندي کول هغه بل څه دي چې په دې برخه کې د دغې ډلې مبارزه ټکنۍ کولای او تر پوښتنې لاندې راوستلای شي.
