اړوند خبرونه:
متحده عربي اماراتو په ۲۲۳ سیالو شاخصونو کې په نړیواله کچه لومړی مقام خپل کړ
د متحده عربي اماراتو بهرنۍ مرستې له ۱۹۷۱ راهیسې ۳۶۰ ملیارد درهمو ته ورسېده
د غزې چارواکي وایي چې هلته له پنځهکلنۍ کمعمره څه باندې ۳ زره ۵۰۰ ماشومان د لوږې له امله د مړینې خطر سره مخ دي. په داسې حال کې چې سلګونه زره نور ماشومان بېړنیو بشري مرستو ته اړ دي.
الجزیرې د غزې د چارواکو په حواله راپور ورکړی چې د غزې له سیستماتیک محاصرې سره نږدې ۲۹۰ زره ماشومان د شدیدې خوارځواکۍ له امله د تدریجي مړینې له ګواښ سره مخ دي، او همداراز ۱٫۱ میلیون ماشومان د ژوندي پاتې کیدو لپاره خوراکي توکو ته اړ دي.
د غزې د حکومت د رسنیو دفتر یو وار بیا پر دې جګړې د نړۍ سکوت «د نړیوالې ټولنې شرمونکې چوپتیا» بللې او ویلي یې دي: “د اسراییلو اشغالګر رژیم له ملکي وګړو څخه د جګړې د وسیلې په توګه کار اخلي، او نړیوالې ټولنې هېڅ ځواب نه لري.”
د راپورونو له مخې چې پر غزې د اسراییلو د هوایي بریدونو له بیا پیل راهیسې لږترلږه ۵۷ فلسطینیان د لوږې له امله مړه شوي. بلخوا مرستندویه ادارو خبرداری ورکړی چې سیمې ته د خوړو او درملو په جریان کې چټک کمښت دغه ښار له پراخې قحطۍ سره مخ کړی دی.
غزې ښار له ډېرې مودې راهیسې د اسراییلو تر سخت محاصرې لاندې دی. له اوربند څخه د پرلهپسې سرغړونو او دوامداره جګړو له امله، د بشري مرستو رسولو چارې له جدي خنډونو سره مخ شوې دي.
بلخوا پر بشري حقونو د څار نړیوالو سازمانونو د غزې د ماشومانو حالت نازک ښودلی، او خبرداری یې ورکړی چې دا مهال د غزې ماشومان له سختې لوږې سره مخ دي.
