دغه دواړه هېوادونه پر اوکراین د روسیې له برید ۱۰۰۰ ورځې وروسته د چمتوالي خبر ورکوي

د شمالي اروپا دوه هیوادونه، سویډن او فنلنډ، چې له څو لسیزو نظامي بې‌طرفۍ وروسته، پر اوکراین د روسیې له برید سره هممهاله له دې ډاره چې روسیه به پرې حمله وکړي، له ناټو سره یوځای شول.

د سویډن حکومت په یوه کتابچه کې، چې د دوشنبې له ورځې څخه یې خپلو ۵.۲ میلیون اتباعو ته وېش پیل کړي، هغوی هڅوي چې د دې احتمالي وضعیت لپاره ځانونه چمتو کړي.

د امنیتي سپارښتنو ویبپاڼه

په ورته وخت کې، د فنلنډ حکومت یوه ویبپاڼه پرانیستې چې د خپلو اتباعو لپاره ورته امنیتي سپارښتنې وړاندې کوي څو د روسیې د احتمالي برید پر مهال تیار اوسي.

سټاکهولم د ۲۰۲۲ کال د فبرورۍ له ۲۴مې نېټې راهیسې، چې د اوکراین جګړه پیل شوه، خپل خلک پر له پسې هڅولي چې روسیې ته د جغرافیایي نژدېوالي له امله، د جګړې د امکان په وړاندې ذهني او لوژیستیکي چمتووالی ولري.

نور ولولئ: اروپايي پارلمان اوکراین ته د ۳۵ میلیارده یورو «پور» تصویب کړ

نور ولولئ: امریکا، اوکراین ته؛ پر مسکو به د لر واټنه توغندیو ویشتل لوبه بدله نه کړي

نور ولولئ: روسیه ملګرو ملتونو ته؛ موږ پر طالبانو لګول شوي بندیزونه لرې کوو

روسیې لا تر اوسه په دې اړه څه نه دي ویلي، خو ویلادیمیر پوتین له هغه وروسته د اټومي وسلو سند لاسلیک کړ چې واشنګټن اوکراین ته د روسیې له ننه هدافو په نښه کولو لپاره د وسلو ورکولو ژمنه وکړه.

د ۳۲ مخونو کتابچه له ساده انځورونو سره

دغه کتابچه چې  سرلیک یې دی:”که بحران یا جګړه وشوه” د سویډن د ملکي بېړنیو چارو ادارې له خوا خپره شوې، د جګړې، طبیعي پېښو، یا سایبري بریدونو په څېر د بحرانونو لپاره عملي سپارښتنې وړاندې کوي. له دوهمې نړیوالې جګړې راهیسې دا نسخه پنځه ځله تازه او وېشل شوې ده.

دا ۳۲ مخیز سند د ساده د تصویرونو په کارولو سره د دې شمالي هېواد د بیلابیلو ګواښونو وضاحت کوي. د هر ګواښ لپاره یو ځانګړی خبرداری شته: که د خطر زنګ ۳۰ ثانیې غږیږي، بیا ۱۵ ثانیې چوپتیا وي او دا کار د پنځو دقیقو لپاره تکرار شي، نو هېواد د اعظمي خبرداري په حالت کې دی.

دا لارښود په ځانګړې توګه هغه خوراکي توکي او سامانونه لیست کوي چې ذخیره کول یې اړین دي، د هوايي برید په صورت کې د پناه ځای موندلو څرنګوالی تشریح کوي، او دا بیانوي چې د سیمې د تخلیې پر مهال خلک باید څه شیان له ځان سره ولري: اوبه، خواړه، درمل، د بیټرۍ یا لمریزې انرژۍ رادیو، تودې جامې، نغدې پیسې، نقشه، قطب‌نما، مهم اسناد، او نور.