اړوند چارواکي وايي، قزاقستان کې د افغاني محصولاتو نندارتون پرانیستل شوی
د ا.ا صنعت او سوداګرۍ وزارت د قزاقستان په «شیمکنت» ښار کې د افغاني تولیداتو او محصولاتو نندارتون له پرانیستې خبر ورکړی دی.
د صنعت او سوداګرۍ وزارت لیکلي چې په یاد نندارتون کې لسګونو افغان شرکتونو خپل کورني محصولات او تولیدات نندارې ته وړاندې کړې دي.
د دغه وزارت په خبرپاڼه کې ویل شوي چې د افغاني محصولاتو او تولیداتو دا نندارتون د صنعت او سوداګرۍ وزیر نورالدین عزیزي او د لوړرتبه قزاقستاني چارواکو په شتون کې پرانیستل شوی دی.
چین له افغانستان سره پر فابریکهيي تجهیزاتو سمبال د ۱۵۶ کورونو مرسته وکړه
ویل کېږي چې دا نندارتون به د روانې اکتوبر میاشتې تر ۳۰مې نېټې دوام وکړي.
د دغه نندارتون د پرانیستې په مراسمو کې د اسلامي امارت صنعت او سوداګرۍ وزیر، نورالدین عزیزي د یاد نندارتون د تنظیمولو په برخه کې د قزاقستان له حکومت مننه کړې او ویلي یې دي چې له دې اقدام یې موخه د افغانستان د تولیدي وړتیاوو معرفي کول او د دواړو هیوادونو ترمنځ د سوداګرۍ او اقتصادي اړیکو پراختیا ده.
تر دې مخکې هم په یو ګڼو هېوادونو کې د افغاني محصولاتو او تولیداتو بېلابېل نندارتونونه پرانیستل شوي وو چې په نړیواله کچه د افغاني توکو د پېژندنې په برخه کې ګټور بلل شوي وو.
