له طالبانو سره تعامل؛ توبیاس ايلوډ غوښتونو ته افغان ښځو سخت غبرګون وښود
![130437565 tobias gettyimages 1368216592](https://afghannow.net/wp-content/uploads/2023/07/130437565_tobias-gettyimages-1368216592-348x196.jpg)
د بریتانیې پارلمان دغه غړي ته چې له طالبانو سره یې د تعامل غوښتنه کړې، د افغان ښځو له غبرګون سره مخ شو
په یوه ویډیويي پیغام کې چې خورا ډېرې نیوکې پرې شوې، پارلمان غړي توبیاس ایلوډ له بریتانیا غوښتي چې له افغانستان سره له سره تعامل پیل کړي او هلته خپل سفارت بیا پرانیزي. طالبانو د نوموړي د دې څرګندونو هرکلی کړی او د خپل هغه حکومت لپاره د یوه کمساري تعریف په نظر ورته ګوري، چې هېڅا په رسمیت نه دی پېژندلی.
د ایلوډ پر وړاندې غبرګونونه
پر چهارشنبه افغان ښځو د طالبانو هغې پرېکړې پر ضد کمساری احتجاج وکړ، چې د ښځو سینګارتونونه یې تړلي دي. د دې احتجاجونو یوې ګډونوالې په دې هکله وویل: ”بریتانوی سیاستوال وايي، چې دی هیله من دی او د افغانستان د وضعیت په هکله خوښ دی… نن موږ د خپلو حقونو غوښتنې لپاره لارو، کوڅو ته ووتلو، خو دوی مو مخه نیوله او وهلو، ټکولو یې. تاسې به ویډیويي کلیپونه لیدلي وي. ”
یوې بلې ښځې بیا پوښتنه وکړه چې ایا ښاغلی ایلوډ پوهېږي چې په افغانستان کې خلک ”وږي او ناخوښ ” دي؟ دا زیاتوي: ”اوس نور ځانمرګي بریدونه نه کېږي، خو بیوزلې انتها ته رسېدلې او کاروبارونه له منځه ځي. ”
نور ولولئ: ګوتریش: په افغانستان کې ښځې له عمومي ژوند څخه محرومې شوې دي
د یادونې ده، چې د بریتانیا پارلمان کې د دفاعي کمېټې مشر توبیاس ایلوډ له هالو نومې خیریه موسسې سره یو ځای افغانستان ته تللی و، چې د ماین پاکۍ په برخه کې فعالیت کوي. نوموړي روانه اونۍ له خپل سفر وروسته ټویټر پیغام او ویډیويي کلیپ خپور کړ، چې د ډېرو په نظر یو تبلیغاتي پیغام ته ورته و.
ایلوډ افغانستان کې امنیت ښه بللی
افغان فعالې نیلوفر ایوبي پر ټویټر یوه پیغام کې په دې هکله ویلي: ”اوس نو وخت رارسېدلی، چې تاسې له خپلو طالبانو وروڼو سره مخکې لاړ شئ، ځکه بالاخره دا یوه خوندي چاره ده. ”
ښاغلي ایلوډ په خپل ویډیويي پیغام کې ویلي و واک ته د طالبانو له بیا رسېدو وروسته په افغانستان کې امنیت ”په پراخه کچه ” ښه شوی دی او وړاندیز یې کړی و، چې لوېدیځوال دې د ښځو حقونو په موضوع کې ”په تدریجي ډول ” مخکې لاړ شي.
د نوموړي د دې ویډیويي پیغام په پای کې د ښځو حقونو په هکله یوازې یوه حواله یاده شوې ده. د بریتانوي پارلمان غړي پر دې موضوع له بي بي سي سره خبرو کې وویل: ”موږ باید له طالبانو سره لا زیات مخامخ او پیاوړی تعامل ولرو. ”
د بي بي سي خبریالې یلدا حکیم چې خپله هم افغانه ده، له نوموړي وپوښتل: ”ایا فکر کوئ دا کوم ځانګړی پیغام دی، چې کله چې د بشري حقونو، د ښځو حقونو خبره راځي، نو داسې خبرې چې دوی اوس شمسي هندارې لري، تاوتریخوالی کم شوی او له همدې کبله باید موږ بېرته هغه هېواد ته ورشو او خپل سفارت پرانیزو؟ ”
ښاغلي ایلوډ په ځواب کې وویل: ”زه چې څه وایم تاسې اسانه کړه، اوسنۍ ستراتېژي چې موږ له لېرې چیغې وهو، کار نه کوي. ”
پر ښځو او نجونو د بندیزونو لړ کې طالبانو وړمه ورځ په کانکور ازموینه کې هم دوی له برخې اخیستو محرومې کړې او ازموینه ترې نه اخیستل کېږي.