لوبیا انسان ته څومرره ګټه لري؟ لوبیا یو له هغه خوراکي توکو له جملې څخه ګڼل کېږي چې ګڼې روغتیایي ګټې لري او استعمال یې د روغتیا لپاره اړین وي.دا خواړه کولی شي چې د انسان د بدن ډېر وېټامنونه پوره کړي.
لوبیان د سترګو د نظر له کمزورۍ نېولې د وینې تر کمښته پورې د ټولو ستونزو په درلودلو سره ډاکتران لارښوونه کوي چې لوبیا استعمال کړئ.لوبیا پخپل جوړښت کې پروټین، فایبر، فولیټ، میګنیزیم، پوتاشیم او نور اړین غذایي توکي لري چې د ګټو په نظر کې د نېولو سره ورته د غریبانو غوښه هم ویل کېږي.یعنې غریبانان کولی شي چې د غوښې پر ځای لوبیا استعمال کړي.
همدا راز په لوبیا کې فولیټ او فایبر په ډېره اندازې سره وي چې د زړه له ناروغیو مخنیوی کوي او شریانونه آزاد ساتي.په لوبیا کې موجود ډاییټري فایبر د هضم لارو لپاره د جیلو په ډول سره کار کوي او د کلیسترولو په خارجولو کې مرسته کوي او د استعمال په پایله کې یې اضافي او منفي کلیسترول له منځه ځي.
دغه راز لوبیا د انټي اکساید درلودونکی وي چې ژامو ته پیاوړتیا ورکوي. د وینې شکر برابر ساتي او د اوسپنې کمښت پوره کوي. ترڅنګ د لوبیا استعمال وزن کموي او په ورځني ډول یې استعمال په وزن کې په تېزۍ سره کمښت راولي.
خو پوښتنه داده چې لوبیا به څه ډول استعمالوو، ددې لپاره د شپې لخوا لوبیا په اوبو کې واچوئ او بیا وایشوئ او په بېلابېلو خوړو کې استعمال کړئ.او د دې نه پرته عام وګړي کولی شي چې صرف لوبیا هم ځانته استعمال کړي او بغیر له نورو خوراکو ېې وخوري.
