د افغانستان په وخت نن دوه بجې به د پاکستان او افغان کرکټ ملي لوبډلو تر منځ لوبه پیل شي
ټاکلې نن په شري لنکا کې د افغانستان او پاکستان کرېکټ ملي لوبډلو ترمنځ د دریو یو روځینو لوبو لړۍ پیل شي.
ننۍ لوبه د افغانستان پر وخت د ماسپښین پر ۲ بجې د شري لنکا په سویلي همبانتوتا ښار کې پیلېږي.
د سوپرکولا جام په نوم د دې لوبلړۍ کوربتوب افغانستان کوي.
ددې لوبو کپتان څوک دی
د افغانستان کرېکټ د یو ورځنیو لوبو لوبډلمشر حشمت الله شهیدي ویلي، لوبغاړي یې دغو لوبو ته په لوړه روحیه بشپړ چمتووالی لري.
نور ولولئ: افغان کرکټ بورډ د پاکستان خلاف لوبډله اعلان کړه
ټاکلې د دې لوبلړۍ دویمه لوبه هم بل سبا (د اکست ۲۴مه) همدغه همبانتوتا کې او دریمه د اګست پر ۲۶مه د شري لنکا پلازمېنه کولمبو کې وشي.
د افغانستان او پاکستان کرېکټ ملي لوبډلو ترمنځ دا لوبلړۍ داسې مهال پلان شوې چې ورپسې را روانو میاشتو کې د اسیا جام او نړیوال جام مهمې سیالۍ هم را روانې دي.
د افغانستان او پاکستان د کرېکټبورډونو چارواکي هیله من دي چې دا لوبلړۍ به راتلونکو سیالیو ته د دوی د لوبډلو چمتووالي کې مرسته وکړي.
د یادونې ده چې د اسیا جام سیالۍ هم د روانې اګست میاشتې په وروستیو کې پيلېږي.
د دواړو هېوادونو کرکټ بورډونه څه تمې لري؟
د افغانستان او پاکستان کرېکټ ملي لوبډلو تر اوسه په خپلو کې د یو ورځنیو لوبو لړۍ نه ده کړې خو څلور ځله یو ورځنیو لوبو کې سره مخامخ شوې او څلور واړه لوبې پاکستان ګټلې دي.
نور ولولئ: کرېکټ؛ افغانستان د سیالیو لپاره د لوبغاړو نوملړ اعلان کړ
د دوی وروستۍ یو ورځنۍ لوبه د ۲۰۱۹ کال په نړیوال جام کې وه.
د افغانستان او پاکستان ترمنځ د دریو شل اوریزو لوبو یوه لړۍ د روان کال په مارچ میاشت کې وشوه، چې افغانستان ۲-۱ وګټله.
پر دې سربېره په تېرو څو لوبو کې د افغان کرکټ ملي لوبډلې او پاکستاني ټیم د ځینو لوبغاړو تر منځ په ځلونو مشکلات راغلي ځکه د پاکستان لوبډله پوهېږي چې افغان ملي لوبډله خورا قوي کېدو خواته روانه ده او یوه ورځ به یې په کرکټ کې راغورځوي.
