مایکل والټز: “له افغانستانه د امریکايي ځواکونو وتل ددې ملت لپاره لوی شرم دی”
![afghan (95)](https://afghannow.net/wp-content/uploads/2024/07/Afghan-95-1-780x470.jpg)
د امریکا د استازو جرګې غړي مایکل والټز له افغانستانه د امریکايي ځواکونو وتل د امریکا د ملت لپاره د شرم وړ بللي دي
دا یوازېنی امریکايي چارواکی نه دی چې له افغانستانه د امریکايي چارواکو وتل د امریکا په تاریخ کې د شرم وړ بولي، بلکې له دې وړاندې هم وار په وار امریکايي چارواکو په دې اړه څرګندونې کړي دي او لا هم په دې اړه بحثونه کېږي.
تازه، د امریکا د استازو جرګې غړي مایکل والټز له افغانستانه د امریکايي ځواکونو وتل «د شرم وړ او د واشنګټن پر لمنه داغ» بللی دی.
د ۱۳ امریکایانو د وژل کېدو په تړاو د اسنادو خپرېدل
والټز چهارشنبه د چنګاښ پر ۲۷مه ویلي دي چې که جمهوري پال کاندید ډونالډ ټرمپ د امریکا ولسمشریزې ټاکنې وګټي، له افغانستانه د وتلو او د وتلو پر مهال د ۱۳ امریکايي پوځیانو د وژل کېدو په تړاو به ټول اسناد خپاره کړي.
هغه زیاته کړې ده: «موږ ټول په یاد لرو چې له افغانستانه د بایډن شرمناکه وتل یوه غمیزه او زموږ په ملي وجدان باندې یو داغ دی او د هغو ۱۳ سرتیرو کورنۍ چې خپل ژوند یې له لاسه ورکړی باید هره ورځ له دې غمیزې سره مخ شي.
نور ولولئ: د امرالله صالح تازه مرکه: د جمهوري نظام پرځېدل د امریکا د «سي ای اې» کار و
نور ولولئ: سي ای اې وايي، روسیه د ایران په همکارۍ د ډرون الوتکو کارخانه جوړوي
نور ولولئ: د سي اېن اېن نوي موندنې؛ امریکایانو کابل هوايي ډګر کې له ځانمرګي وروسته ځینې کسان په ډزو ووژل
هغه زیاته کړې ده چې د متحده ایالتونو ولسمشر جو بایډن ان له کورنیو سره ټیلفوني خبرې هم نه دي کړي.
![afghan 2024 07 18t121623.807](https://afghannow.net/wp-content/uploads/2024/07/Afghan-2024-07-18T121623.807-300x170.jpg)
د جوبایډن غلطه ستراتیژي
د والټز په وینا، له افغانستانه د امریکایي ځواکونو وتل د بایډن لپاره «یوه بریا» وه.
تر دې وړاندې هم د امریکا د استازو جرګې او یو شمېر پخوانیو او اوسنیو چارواکو له افغانستانه د امریکايي ځواکونو پر ناوړه وتلو چې له امله یې طالبان بېرته پر هېواد واکمن شول، نیوکه کړې وه.
د چنګاښ پر ۱۲مه د جوبایډن پخوانۍ ویاندې جین ساکي له افغانستانه د ناوړه وتلو په تړاو د استازو جرګې د بهرنیو اړیکو د کمېټې په مرکه کې له ګډون سره هوکړه کړې وه.
د افغانستان او په دې هېواد کې د طالبانو بیا واک ته په رسېدو بېلابېلې څرګندونې کېږي، خو اکثره سیاسي شنونکي وايي، امریکا په لوی لاس طالبانو ته وسپاره او په سیمه کې د لویو سیاستونو په تعقیب کې له دغه ډلې کار اخلي.
خو طالبان بیا وايي، دوی امریکا ماته کړې او له دې لارې واک ته رسېدلي دي.
له افغانستانه د امریکايي ځواکونو وتل د جوبایډن نامناسب سیاست برخه یادېږي.