متحده عربي اماراتو افغانستان ته درې الوتکې ولېږلې

متحده عربي اماراتو په افغانستان کې د زلزله ځپلو ټپیانو ته د مرستې او درملنې په موخه د ۱۰۰۰

کیلومتره مربع په ساحه کې ۷۵ بسترېز روغتون جوړویي ویل کیږي چې دغه روغتون به په عصري تجهیزاتو سمبال وي په همدې موخه اوس تازه د عربي اماراتو حومت ۳ الوتکې راواستولې چې په دې الوتکو کې به د روغتون لپاره تجهیزات او نور توکې هم راوړل شوې. 

متحده عربي اماراتو 16 میټریک ټنه تجهیزات او یو طبي ټیم هم د روغتون د چلولو او عاجل طبي خدماتو چمتو کولو لپاره لیږلی.د عربي اماراتو امیر جلالتماب شیخ محمد بن زاید آل نهیان د زلزلې ځپلو خلکو ته د بیړنیو مرستو رسولو لارښوونه کړې ده.په افغانستان کې د متحده عربي اماراتو سفیر عیسی سالم الظهري وویل، د ساحوي روغتون او طبي مرستو لیږل د هغو هڅو یوه برخه ده چې طبي بیړنیو حالاتو ته د چټک ځواب ویلو او د زلزلې له امله د زیانمنو شویو کسانو سره مرسته کوي چې په دې وروستیو کې د افغانستان په جنوب ختیځ ولایتونو خوست او پکتیکا کې رامنځته شوې ده.

الدهري ټینګار وکړ چې د متخصص طبي ټیم او تجهیزاتو ځای په ځای کول د متحده

 عربي اماراتو لیوالتیا منعکس کوي ترڅو ژر تر ژره د ساحوي روغتون د فعالیت پیل کولو لپاره ټولې اړینې اړتیاوې چمتو کړي. د زلزلې په پایله کې، زرګونه ټپیان ګړندي او دوامداره طبي پاملرنې ته اړتیا لري.

نور یی ولوله | متحده عربي امارات په هر سخت وخت کې افغان ولس سره ملګری دی

نور یی ولوله| د شیخ فاطمې هڅې په افغانستان کې وستایل شوې

هغه زیاته کړه، متحده عربي اماراتو په دې وروستیو کې یوه مرستندویه الوتکه چې ۳۰ مټریک ټنه خوراکي توکي یې په افغانستان کې له زلزله ځپلو سره د مرستې د هوايي پله د یوې برخې په توګه لېږلي دي، چې دغه لېږد د ډېرو کورنیو او زیانمنو شویو ډلو په تېره بیا د ښځو او ماشومانو لپاره د خوراکي توکو کمبود حل کوي.

اماراتو زلزله ځپلو ته خپلې بیړنۍ مرستې متنوع کړې، ځکه چې په دې کې د خوراکي توکو او طبي مرستو او همدارنګه د ساحوي روغتون په ګډون په افغانستان کې د وروستۍ زلزلې د اغیزو د کمولو لپاره په نړیوالو هڅو کې برخه اخیستل هم د دې مرستو د موخو یوه برخه ده.