اړوند خبرونه:
د افغانستان زلزلې ځپلو ته د متحده عربي اماراتو بېړنۍ مرستې او ژغورونې ټیم
د افغانستان ختیځ دوو شدیدو زلزلو ولړزاوه
زلزله؛ د مړو شمېر ۱۰۰۰ او د ټپیانو شمېر ۲۵۰۰ ته ورسېده
د متحده عربي اماراتو د دولت رئیس په لارښوونه دغه هېواد له افغان زلزله ځپلو سره د ۲۵۰۰ ټنه بشري مرستې اعلان وکړ
د متحده عربي اماراتو د مرستو بېړۍ د پاکستان د ګوادر بندر پر لور حرکت کړی، څو له هغه ځایه خپل بار د ځمکې له لارې افغانستان ته انتقال کړي او د وروستۍ زلزلې له امله له افغان ولس سره مرسته وکړي.
د متحده عربي اماراتو د وام حبري اژانس د راپور له مخې، دغه بېړۍ ۲۵۰۰ ټنه خوراکي توکي، د استوګنې وسایل او طبي توکي وړي، چې د متحده عربي اماراتو د دولتمشر، شيخ محمد بن زايد آل نهيان، په لارښوونه لېږل شوي دي.
متحده عربي امارات: افغانستان ته د زلزله ځپلو لپاره الوتکو کې د مرستو لېږلو ته دوام ورکوو
اژانس وايي، دا کار د متحده عربي اماراتو د مرستندوی پل په لړ کې ترسره کېږي، څو د افغانستان له ورور ولس سره له زلزلې وروسته د ملاتړ په موخه بیړنۍ مرسته وکړي.
د ګډو عملیاتو قومندانۍ تایید کړې چې دغه بېړۍ د متحده عربي اماراتو د مرستو ادارې په همکارۍ او د اماراتو د یو شمېر خیریه او بشردوستانه بنسټونو او مووسسو په ګډون چمتو شوې ده، څو د ملي یووالي روحیه او د بېلابېلو ادارو د هڅو یووالی د افغانستان لپاره د عاجلو مرستو په وړاندې کولو کې څرګند کړي.
د اماراتو د مرستو بېړۍ د دې هېواد د هغه هڅو برخه ده چې غواړي له ورور افغان ولس سره یووالی وښيي او هغوی ته د دغو استثنايي شرایطو له اغېزو سره د مبارزې توان ورکړي او د هغوی بنسټیزې اړتیاوې پوره کړي.
دغه بشري ملاتړ د متحده عربي اماراتو هغه لوړ ارزښتونه څرګندوي چې د سیمې د سولې او ثبات د ټینګښت، د بشري کړکېچونو له اغېزمنو کسانو سره د مرستې او د نړۍ په کچه د مرستندویو هڅو د ملاتړ لپاره یې غوره کړي دي.
