اړوند خبرونه:
متحده عربي اماراتو په ۲۲۳ سیالو شاخصونو کې په نړیواله کچه لومړی مقام خپل کړ
د متحده عربي اماراتو بهرنۍ مرستې له ۱۹۷۱ راهیسې ۳۶۰ ملیارد درهمو ته ورسېده
د پاکستان او طالبانو تر منځ د عربي متحده اماراتو منځګریتوب
د متحده عربي اماراتو د دولت رئیس په پلان کې لري چې د ختیځې اروپا په شخړه کې د ښکېلو هېوادونو روسیې او اوکراین ترمنځ جګړه کې د نیول شویو جنګي بندیانو چې شمېر یې ۳۵۰ تنه کېږي، تبادله کې منځګړیتوب وکړي.
د چهار شنبې په ورځ، مسکو او کیف د ۱۷۵ اوکراینیانو او ۱۷۵ روسانو تبادله وکړه، چې دا کسانو د ۲۰۲۲ کال د فبرورۍ راهیسې د روانې جګړې پر مهال له یوه او بل لوري نیول شوي وو.
د متحده عربي اماراتو د منځګړیتوب د هڅو په پایله کې په جګړه ګې د ښکېلو ګاونډیانو ترمنځ ټولټال ۳۲۳۳ جنګي بندیان تبادله شوي دي.
نړیوالې رسنۍ وايي چې د متحده عربي اماراتو دغه کار د نړیوالو بنسټونو لخوا ستایل شوی دی.
د متحده عربي اماراتو د بهرنیو چارو وزارت د روسیې او اوکراین د منځګړیتوب هڅو کې د همکارۍ او په دې تبادله کې د هغوی د رول ستاینه کړې ده.
د ۲۰۲۴ کال راهیسې د متحده عربي اماراتو په منځګړیتوب ۱۳مه تبادله ده چې د جنګي بندیانو د تبادلې په برخه کې د اوکراین او روسیې ترمنځ ترسره کېږي.
متحده عربي امارات د دواړو هېوادونو د باور ستاینه کوي چې په دغه برخه کې یې پر دغه هېواد کړی دی.
