د افغانستان لپاره د چین ځانګړي استازي د بهرنیو چارو له سرپرست وزیر امیرخان متقي سره په لیدنه کې ټینګار کړی، چې د افغانستان او پاکستان ترمنځ خبرې باید یوازې تر سیاسي ناستو محدودې نه وي، بلکې عملي پایلې هم ولري.
د طالبانو د بهرنیو چارو وزارت ویلي، متقي ته د چین استازي «یو شیاو یونګ» د ارومچي د خبرو اترو د دوام، سیمهییز امنیت او د سیمې د هېوادونو ترمنځ د همغږۍ په اړه خبرې کړې دي. متقي ته د چین استازی
متقي ته د چین استازي د سیمهییزې همکارۍ پر اهمیت ټینګار وکړ
د یاد وزارت د معلوماتو له مخې، چیني استازي ویلي چې بیجینګ د ارومچي بهیر د سیمې د ثبات او اړیکو د پیاوړتیا لپاره مهم ګڼي او غواړي د افغانستان او پاکستان ترمنځ راتلونکې خبرې له عملي پرمختګونو سره مل وي.
هغه همداراز د سیمې د هېوادونو ترمنځ د باور جوړونې، متقابل تفاهم او دوامدار تعامل پر اړتیا ټینګار کړی دی.
بلخوا امیرخان متقي ویلي، د افغانستان لپاره اقتصادي همکاري، سیمهییز ثبات او متوازن اړیکې د بهرني سیاست مهم اصلونه دي.
متقي ته د چین استازی؛ د ارومچي خبرو د عملي پایلو غوښتنه
متقي زیاته کړې، که د ارومچي بهیر عملي بڼه خپله نه کړي، نو یوازې سیاسي ناستې به د ستونزو په حل کې اغېزمنې نه وي.
د چین په کوربهتوب د افغانستان او پاکستان د استازو ترمنځ خبرې د روان کال د حمل میاشتې په منځ کې د ارومچي ښار کې ترسره شوې وې، خو تر اوسه یې کومه څرګنده نتیجه نه ده لرلې. متقي ته د چین استازی
په همدې حال کې پاکستان یو ځل بیا په بنو کې وروستی برید له افغانستان سره تړلی بللی، خو طالبانو دغه تورونه رد کړي او ویلي یې دي چې د افغانستان خاوره به د هېڅ هېواد پر ضد ونه کارول شي.
