اړوند خبرونه:
د پاکستان پوج: کراچۍ کې مو د ټي ټي پي خطرناکه اوولس کسیز ګروپ نیولی
خواجه اصف: د ټي ټي پي پرضد “عزم استحکام” عملیات د افغانستان خاورې ته غځوو
د افغانستان لپاره د پاکستان ځانګړی استازی کابل ته ورسېده
د طالبانو د بهرنیو چارو سرپرست وزیر امیرخان متقي د پاکستاني چارواکو سره د کابل په لیدنه کې د افغان کډوالو د اخراج په اړه “ژوره اندېښنه” څرګنده کړې ده.
د طالبانو د بهرنیو چارو وزارت د چهارشنبې په ورځ ناوخته په یوه اعلامیه کې ویلي چې متقي د محمد صادق خان، د افغانستان لپاره د پاکستان ځانګړي استازي سره په لیدنه کې ویلي چې د خلکو په وړاندې له “ناراحت کوونکو او تحریک آمیز” اقداماتو باید ډډه وشي.
د طالبانو د بهرنیو چارو وزارت د اعلامیې پر بنسټ، محمد صادق خان په ځواب کې ویلي چې دواړه هېوادونه ژورې اړیکې لري او باید د “رامنځته شوې ستونزې” د حل په اړه فکر وشي.
محمد صادق خان د پاکستان د حکومت د لوړ پوړي پلاوي په مشرۍ کابل ته سفر کړی دی. دغه پلاوي د چهارشنبې په ورځ، د حمل ۲۷مه، د افغانستان او پاکستان ترمنځ د همغږۍ په نوم کمیټې په غونډه کې ګډون وکړ.
د افغانستان لپاره د پاکستان ځانګړي استازي هم ویلي چې ډېر ژر اسحاق ډار، د پاکستان د بهرنیو چارو وزیر او د پاکستاني صدراعظم مرستیال کابل ته سفر وکړي.
